Pilipai 4:14 - U Bulunagana U Niga

¹⁴ Kaba limiou e kato haniga koru memiou te taguhu noahas mena milimiou alia tara pöata teka te ka megia lia a nitiama.

Pilipai 4:14 ပူးပေါင်းရင်းမြစ်များ

Matiu 25:21

Ba katuun pan i tanen e poeiena, ‘E niga nitöana, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e ha taratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö!’

U pas te koloto menai e Pol turu kristenira i Rom 15:27

Nori e kato merien u ngil peisa i taren. Na e niga hasina te kato uaren teka. Taraha, u Jiu i halan a manka a man niga tere Sunahan turu katuun tema Jiu ri, ne niga hasina te taguhu has mera raien u Jiu a manka man niga i taren i puta.

Galesia 6:6

A katuun te hengoena u hihatuts turu raranga tere Sunahan e tatei hala nena a palaina a manka man niga i tanen tara tson hihatuts i tanen.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 4:18

Alia e ka tala megu a manka tu hala namuma limiou. E Epaprodaitus e halei mei lia a manka hoboto tu hala namuma limiou. A manka teka e herenei u haats te soksoka hanigan töana te la uana tere Sunahan be Sunahan te haniga korue nen.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

Hibru 10:33

Palaina pöata u katuun i ranga hohomi raiou limiou bate kato homi raria limiou i matar u katuun, na palaina pöata nori i markato has uu teka tara man hahikapien i tamilimiou.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.