Pilipai 3:18 - U Bulunagana U Niga

¹⁸ Alia u solon hatei railimiou a ka teka tara mamana pöata, na lia e sulunmata koru megu te ranga lel mena gien lia: u katuun u parpara koru tema hanigeri u hihatutsina te mate uu e Kristo tara kuruse.

Pilipai 3:18 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 19:41

E Iesu e la hasukusuku uu i Jerusalem, ba pöata te tareien a taun ba nonei e tabe sile nen.

Aposol 20:19

Na limiou e atei sile miou, a para pöata ti kitseia u Jiu u raranga tegi pitaputa menaien lia. Na tara ka teka alia u ka mei a nitiama na u kamits u para. Kaba lia u hala putei a peisar bate katoegu a toukui tara Tsunono.

1 Korin 1:18

Pöata te rarare ria ra te mate uu e Kristo tara kuruse, ba u katuun te ka ria tara maroro te la hatutuna te poeier u raranga i tarara e tutuna. Kaba u katuun te lu pouts raiena e Sunahan e atei siler nonei u töa puku noa lasi u raranga teka te ka mena a nitagala tere Sunahan.

1 Korin 6:9

Alimiou e atei sil hasemiou u katuun te kato homir ema tahongo ria tara Nipepeito tere Sunahan? Alimiou goma gamoemi a peisa milimiou. U katuun u tsiktsikolo na u katuun te hatsunoner u kesa na pal tson te hiasesein tsonur na touhaliou te hiasesei poutsur ema tatei tahongo has ria tara Nipepeito tere Sunahan.

2 Korin 11:13

U katuun teka ema aposol hamanari. E möa. U katuun u gamogamo te kato here nari a peisaren u aposol tere Kristo.

2 Korin 11:29

Pöata tema hamana hatagala neia a töa katuun, alia e hasagoho hase gen. Pöata te kato homie ria a töa katuun bate kato homina, ba torir te taktakots koru mena a raharaha. Ga e noa talana. Alia goma ranga sesei nai a manka teka.

2 Korin 2:4

Alia u kamei a nitaatagi pan na u tori u tiama koru bate koloto ngangala uagu i tamilimiou, tegoma kato hataatagi merai limiou, kaba tego hahatei merailia limiou turu pannen u ngil te ka megu lia i tamilimiou.

Galesia 1:7

E möa len tu taina tu mar hihatuts tega ka, kaba palair u katuun e ngilin kato hatutu tuun rariou limiou bate maman palis naier u Bulungana u Niga tere Kristo.

Galesia 2:14

Kaba pöata tu tareia lia tima kukute hamatskö menaien temar hihatuts uana u Bulungana u Niga, ba lia e ranga paka megia e Pita i matar u katuun hoboto me poeiegu, “Alö a Jiu. Na lö u kato haniga mam tu markato uu lö te kato uar u Kristen te tema Jiuri. Ga taraha tsiponi ba lö te kato silem i romana u katun te tema Jiuri e gi kato uu te kato uar u Jiu?”

Galesia 2:21

Alia ema ngilin katoegi a nitaatagi tere Sunahan a ka pinopino. Tega kato haniga raira a Lo tere Mosis ba ra te butu haniga ria i matana e Sunahan, bora, ge Iesu e mate pinopino tala.

Galesia 5:21

Nori e hakats homi rer a palaier u katuun na nori e spakir bate hirata homir, bate katoeier a mamana markato a omi te markato uana teka. A man markato teka nonei a man markato turu ngilngilina i puta. Alia u hatei mam raiou limiou i manasa na lia e hatei lel pon ragou limiou i romana: u katuun te markato uaier teka ema antunan tasu roi tara Nipepeito tere Sunahan.

Galesia 6:12

U katuun te tuke mera rilimiou u hapö e ngil tuneier tegi tara marei meraien na tegi ma ha kamits merain te hamana mena rien a tou mate puku tere Kristo te tatei lu pouts mera nei u katuun tere Sunahan.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Pilipai 1:4

Na te singo sil meragi lia limiou tara mamana pöata, bate singo megu a nisasaala.

1 Tesalonaika 4:6

Alimiou goma kato homi uami teka bate kato homie miou a tana katuun. E möa. Alam u hatei hakapa railimiou, a Tsunono e hahuna rena romana u katuun te markato uar teka.

2 Tesalonaika 3:11

Alam e mar ranga uaiem teka te hengo mena milam u raranga te poeiena a palai i tamilimiou e karousur batema kuiri, ba nori te ranga pinopino homi ner a manka tara palair u katuun.

2 Pita 2:10

Na nonei e tatei hahuna koru has rena u katuun te roron kukuteier u ngilngil u omi i peisaren, bate hipus ner a nitsunono tere Sunahan. U tson hihatuts teka ema matout koruri ba nori te hipusur, na nori ema matoutun ranga homi has rari a pal kapan i Kolö.

U pas te kolotein e Jut 1:13

A lomolomo e kato haposeiena u tasi bate habutena u puei u korkoriana. Na e markato has uana iesana turu katuun teka tema antunan hamouseri a markato a korkoriana i taren. A tapisu e roron tiana turu kuhil i lehana. Te kato has uaier u tson hihatuts u gamogamo teka. Nori e la hamatskö uaier romana tara nihahuna tere Sunahan tema tatei kapa nei.