Pilipai 3:13 - U Bulunagana U Niga

¹³ A matsi hahatoulana, alia ema peigi alia u lu hakapi a markato teka. Kaba alia e ron hakats negu, alia e ngilin solopala negu a manka ni manasa bate kato hatagala silegu a manka tena butu hamurimuri nama romana.

Pilipai 3:13 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 10:42

Kaba töa puku a ka te pan balana. E Maria e hopö kap nena a ka a niga teka, na ema antunan luba naroien.”

U Bulungana u Niga tere Iesu Kristo te kolotein e Luk 9:62

Be Iesu e poeiena i tanen, “A katuun te tanian kukutie noulia bate roron tara pouts uana i murinen, ema antunanei tara Nipepeito tere Sunahan.”

2 Korin 5:16

Be ni tala, alam ema tara lel here nami a katuun temar tara uaier u katunura i puta. E möa. I manasa alam u mar hakats uu teka tere Kristo, kaba i romana e möa.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Pilipai 3:12

Alia ema peigi alia u kato hakapi a manka teka bate niga nitöagu. E möa. Alia e torohana noahasegu tego here menai lia a mar katuun te hopö kap sil mei lia e Iesu Kristo.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.

2 Pita 3:8

A man hahikapien i tar, alimiou go hakats kap naiam a ka teka: te tara mena nei a Tsunono a man pöata, e markato uana teka, u töa u lan e antunana turu 1,000 u hiningal, na u 1,000 u hiningal e antunana turu töa u lan.