Pilipai 2:30 - U Bulunagana U Niga

³⁰ Taraha, nonei e kui bei e Kristo e antunaia te sukusukun mate uaien. Nonei e kato sil tega kato hakapa menaien a toukui tima antunan kato hakapa bemi limiou alia.

Pilipai 2:30 ပူးပေါင်းရင်းမြစ်များ

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

U pas te koloto menai e Pol turu kristenira i Rom 16:4

A tsitabubu koru ba nori te atung hamate sil rari ti taguhu menaien lia. Alia e haniga koru uagu i taren, na pala hoboto tema Jiu ri e haniga has uaier i taren.

1 Korin 15:53

Taraha, u tuenrei teka te mate nou ega palis uu turu tuenrei tema tatei mate nei romana. U tuenrei teka te koreme nou ega palis uu romana turu tuenrei tema tatei koreme nei.

1 Korin 16:10

A pöata te tukuna romana e Timoti hateiam, e möa ta ka tego matouteien i tamilimiou, taraha nonei e kuiena a toukui tara Tsunono te kui hasegu lia.

1 Korin 16:17

Alia e sasaala koru megu ti la uama ere Stepanas mere Potunatus ne Akaikas. Taraha, nori i la tupu naiema tima la uamumei limiou teka.

2 Korin 12:15

Alia e sasaala megou te hala mena gilia u moni na peisar hoboto i tamilimiou bate taguhu ranou limiou. Alia e ngil koru ragou limiou, kaba, nonei toum te kato ranou limiou balimiou tema ngil balemi lia?

2 Korin 4:12

Tara markato teka ba lam te söatem a nimate ba limiou te hala rari a nitöatöa.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Pilipai 2:27

E manana, nonei e ka mei a siki pan koru me katsin matena. Kaba e Sunahan e taatagi naien me kato haniga poutse nen. Na e Sunahan e taatagi has naiou lia, taraha alia e namots taatagi lel hasigu.

Pilipai 4:10

Alia e sasaala korugu na lia e haniga gia tara Tsunono te haröto mena milimiou te hakats sil noahas mena milimiou alia. Alimiou e ngilin taguhu nitöa namou lia, kaba limiou u möaiam ta maroro tego mar taguhu menami lia.

Pilipai 4:18

Alia e ka tala megu a manka tu hala namuma limiou. E Epaprodaitus e halei mei lia a manka hoboto tu hala namuma limiou. A manka teka e herenei u haats te soksoka hanigan töana te la uana tere Sunahan be Sunahan te haniga korue nen.

Pilimon 1:13

Alia e ngilin hake gien teka ba nonei te lueiena a makum i tamölö bate taguhe noua lia tara pöata te karabus sil menagi lia tu hahatei menai lia u Bulungana u Niga.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.