Pilipai 2:16 - U Bulunagana U Niga

¹⁶ Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

Pilipai 2:16 ပူးပေါင်းရင်းမြစ်များ

Matiu 10:27

U raranga te hatei ragi lia alimiou turu kuhil, alimiou ena ranga namouen turu alesala. Na saha ka te hengoe mölö te hahasi tuun ner, ena ranga hapan namoa limiou i ioluna a pungana.

U Bulungana u Niga tere Iesu Kristo te kolotein e Luk 12:8

E Iesu e ranga lel me poeiena, “Alia e ranga mera goulimiou: esi te hatei na noa lia turu katuun, alia tu butun Katunuma ena hatei has ragou u angelo tere Sunahan nonei a katuun i tar.

U Bulungana u Niga tere Iesu Kristo te kolotein e Jon 6:63

U Namnamei puku lahas te hala nena a nitöatöa. U tuenrei puku ema antunanei. U raranga te hatei ragu lei lia limiou, nonei u rarangana turu namnamei, na nonei te hala ranei limiou a nitöatöa.

U Bulungana u Niga tere Iesu Kristo te kolotein e Jon 6:68

Be Saimon Pita e ranga palise nen me poeiena, “O Tsunono, alam e la uamou teresi? Alö peisa te ka mem u rangana tara nitöatöa te ka nitöana.

Aposol 13:26

E Pol e ranga noa me poeiena, “A matsi hahatoulana i tar a galapien tere Abraham, na limiou has a palair u katuun te hatsunone miou e Sunahan, u raranga te poeiena e Sunahan e ngilin lu pouts rena u katuun ti hala mena meien i tarara noahas.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

1 Korin 9:26

Alia ema kui pinopinogi. Na lia ema heregi a katuun te muku pinopinoena a lomolomo. E möa.

2 Korin 1:14

Tema lu hanige moien limiou tara pöata teka, ba tara pöata tena kopis pouts nama romana e Iesu a Tsunono, alimiou na sasaala mera moulam temar sasaala has mera moi lam alimiou.

Galesia 2:2

E Sunahan noahas te hatarein tego la uu lia. Ba lia ena gum gono meraiegu a pal kapan turu Lotu me hatei ragien u Bulungana u Niga, ti roron ranga merai lia u katuun te halhal ria turu Jiu. Alia u mar hakats u teka: A toukui ti katoema lia i manasa te antunana i romana ena mots lalapukuna.

Galesia 4:11

Alia e toku koru meg a man toukui ti kato berai lia limiou ena mots la pinopinona.

Pilipai 1:10

Ba limiou te tatei ngile miou a ka te niga bala koruna. Bate tatei na gogosomiou romana batema ka memi ta markato ta omi tara pöata te butu nama romana u Lan u Kapan tere Kristo.

Pilipai 1:6

Alia e atei silegu e Sunahan e hatania hakapi a toukui a niga teka i tamilimiou, e antunana te kapa nitöa nen romana tara pöata te butu nama romana u Lan u Kapan tere Iesu Kristo.

1 Tesalonaika 2:19

Alam u ngilin na tara raiou limiou, taraha a nihamana i tamilimiou tere Iesu e kato hasasaala raiou lam. Pöata te la pouts nama romana e Iesu a Tsunono, alam e haröto ramoua limiou i tanen. A ka teka e here noi a hihol i tamulam. Nonei a ka teka te roron kato sile mulam.

1 Tesalonaika 3:5

Ba tara markato teka, alam uma antunan hahaloso leli, ba lam e tula namula e Timoti egona sakesake te popo hamanasana u nihamana i tamilimiou. Alia u toku sil korui e Satan e namots kato homi ranou limiou ba toukui i tamulam te lala pukuna.

Hibru 4:12

U raranga tere Sunahan a nitöatöa, na e kana na e kui hatagala nitöana. E here nei u kilata u nou koru, kaba e nou bala nena u kilata te nou hihapalana. Na u raranga i tanen e antunan hamoueiena u namnamei tara katuun. Nonei e tasuna i torina a katuun iogana nitöa, bate oneiena u hakhakats na u ngilngil i tanen.

1 Pita 1:23

Alimiou u butu hatsimus hakapaiam, here nei temar posa menari a pien. Kaba a nitöatöa a tsimus i tamilimiou ema tuhanaia tara katuun tuun te antunan mate nitöana. E möa. Alimiou u tuhana meiam u raranga tere Sunahan te mana nitöana na tema antunan kapa nei.

1 Jon 1:1

Alam e koloto silemi u pas teka tego habulungana menami limiou u Rarangana tara Nitöatöa. Nonei e ka mam noahas te habuteia e Sunahan u kolö na u puta. Ba nonei e butun katununa ba lam e tara peisanem a mata mulam me hengo hasim, me hasebele hase mia a limamulam i tanen.

Revelesin 22:17

U Namnamei tere Sunahan e poeiena, “Lama!” Na hun katuun tere Iesu te hereri a tahol te katsin hitöluna e poeier, “Lama!” Na esi te hengoena a ka teka ega pei hasi, “Lama!” La muma, u katuun hoboto te makar. Eresi te ngilin uar emi tatei ueier u ramununa tara nitöatöa te möa ta hihol.