Pilipai 2:15 - U Bulunagana U Niga

¹⁵ Alimiou go ka halehana ba neiam a manka man omi. Alimiou u katuun tere Sunahan ego niga nitöaiam, noahasina te ka uami limiou i gusur u katuun u omi te katoeier a markato a tutu. Alimiou e ka heremi u ualesala i gusuren te alesala uana tara mamana han i puta.

Pilipai 2:15 ပူးပေါင်းရင်းမြစ်များ

Matiu 10:16

Be Iesu e poeiena, “Hengoiam! Alia e hala here ragoui limiou u sipsip te sila ria i gusura u muki u hie. Alimiou go tarakap here rami u kökötsi, ba limiou te here hase mi a kulu tema tatei kato homie nei ta ka.

Matiu 17:17

Be Iesu e ranga palis ranen me poeiena, “Alimiou u katuun u hahamana koru na limiou ema matskömi! A lahisa pöata ti ka gono meraia lia limiou? Na lahisa pöata ti söateia lia u nikamits i tamilimiou? La mena mumei a pien i tar!”

Matiu 5:45

Te kato uamou limiou teka, ba limiou te haröto namou alimiou a galapien tere Tamamilimiou te kana i Kolö. Taraha, nonei e roron hapirena a pitala i tanen tara katuun a niga na tara katuun a omi has, na nonei e roron hapolena a langits tara katuun te kato hamatsköna na tara katuun tema kato hamatskö has nei.

Matiu 5:48

A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”

U Bulungana u Niga tere Iesu Kristo te kolotein e Luk 1:6

U muntahol teka i matsköia i matana e Sunahan, na nori i kukute haniga hasi u mamana u raranga na markato tere Sunahan a Tsunono.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

U Bulungana u Niga tere Iesu Kristo te kolotein e Jon 5:35

E Jon e kulupu halesala herei u lam, ba limiou e sasaala miou me masa koru memiou u alesala i tanen.

Aposol 2:40

Be Pita e hatei has raneien u raranga u parpara lel me ranga hataatagina i taren me poeiena, “Haneiam! Alimiou e namots lu hase miou a nihahuna te la uanama turu katunura i romana.”

Aposol 20:30

A palair u katuun i tamilimiou pouts has te katoeier romana u ranga u gamo, tegi las merai u kristen bate kukute raren.

U pas te koloto menai e Pol turu kristenira i Rom 16:19

U katuun hoboto e atei siler alimiou e hengoe miou u Bulungana u Niga, na lia e sasaala koru mera goulimiou. Kaba lia e kato silegu alimiou go atei sil hanigeiam a markato a niga bate tutu ba namiou a markato a omi.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

2 Korin 6:17

E kato uana teka ba Tsunono te pei hasena, “Alimiou go laba ramen bate ka halhal ba ramen. Alimiou go rama koru naiam a ka a korkoriana, balia te töan lu ragou limiou.”

Epesis 5:27

Nonei e kato mei a ka teka tego lu mera meien a hun katuun i peisanen bate taratara haniga nitöana. A hun katuun tere Kristo alimiou goma ka memi ta ka tega omia i matana e Kristo. Na nonei e ngilena a hun katuun i tanen egi hagöagoni a peisa ren bate ka haniga nitöar.

Pilipai 1:10

Ba limiou te tatei ngile miou a ka te niga bala koruna. Bate tatei na gogosomiou romana batema ka memi ta markato ta omi tara pöata te butu nama romana u Lan u Kapan tere Kristo.

Pilipai 3:6

Alia u tagala sil korui u lotu turu Jiu bate kato hakamits regu a pal katuun tere Iesu. Na tara Lo turu Jiu, alia a katuun a matskö koru i manasa.

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

1 Timoti 3:10

U katuun teka egi torohana mam bir, te hatara na roien nori e ka mer u baku u matskö, ba nori te tatei lue riou a toukui tara katunun hihitaguhu turu lotu.

1 Timoti 3:2

A katunun pepeito kap turu lotu ema tatei ka menei ta ka ta omi i tanen. Nonei ga ka mei a töa puku a tahol. Na nonei ga hakats haniga bate hala puteiena u ngil i peisanen bate kato hamatsköna. Nonei ga tara sil a taina katuun bate ngö menaneien i luma i tanen. Na nonei ga atein hihatuts has.

1 Timoti 5:14

Na lia e ngil taleiegu u amoaba u kukubei gi hitöl bate posaposar bate tara kap rer a galapien na mamanaka i taren, bu katuun tema ngileri e Kristo tema antunan ranga hohomi rarien.

1 Timoti 5:20

Kaba te kato homi noahasina a töa katuun, ba lö te ranga hapiou namen i matar u katuun hoboto, ba nori te tatei matoutur.

1 Timoti 5:7

Hatagali u raranga teka turu amoaba bu katuun tema tatei ranga sil rarien.

Taitus 1:6

A tson mammam ega kamei a markato a niga bu katuun tema tatei ranga sile rien, na nonei ega kamei a töa puku a tahol na galapien i tanen egi kamei u nihamana tere Kristo na markato a niga, ba u katuun tema tatei ranga sileri tegi hipus uaien, tsi tegi hipus menaien e tamaren na e tsinaren.

Taitus 2:10

Nori egi harötein te pakoko haniga mena rien a toukui i taren. A mamana markato hoboto a niga i taren e tatei taguhena u hihatuts tere Sunahan te taguhu ranou ra.

Taitus 2:15

Nonei teka a manka tego hihatutsinilö. Ranga mei a nitagala tara nitsunono i tamölö bate hala nem u rangan hitaguhu turu katuun te hengoe riou lö. Möa tu kato taka tegi tatei raharaha meilö u katuun. Ta katuun e namots sigale noulö.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

Revelesin 2:5

Hakats kap tala naiam a markato a nigana i manasa tu rus ba naiam limiou. Paliseiam a man markato a man omi i tamilimiou bate markato haniga pouts uamiou tu kato uaiam limiou i manasa. Te möa nen, alia e la guma romana batemi luba ragi limiou u lam tara makum i tanen.

Revelesin 3:9

Na pal katuun tere Satan te gamor bate poeier nori u Jiu kaba ema Jiu ri, alia e kato ragoien, ba nori tena hatukun roua i matamilimiou bate tara marei riou alia e ngil koru ragou limiou.