Pilipai 2:11 - U Bulunagana U Niga

¹¹ Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

Pilipai 2:11 ပူးပေါင်းရင်းမြစ်များ

Matiu 10:32

Be Iesu e poeiena, “Esi te hatei ranei u katuun nonei e pala uana i tar, ba lia te hatei hase gou e Tamar i Kolö nonei a katuun i tar.

U Bulungana u Niga tere Iesu Kristo te kolotein e Luk 2:11

A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

U Bulungana u Niga tere Iesu Kristo te kolotein e Jon 12:42

Kaba a para a katuun pan turu Jiu i hamana noa hasia tere Iesu. Kaba nori ima ranga naien i matar u katuun, taraha nori i matoutir u Parasi ena mots tsuga ba rarien a luman lotu.

U Bulungana u Niga tere Iesu Kristo te kolotein e Jon 13:13

Alimiou e ngöe milia a Tson Hihatuts, na limiou e ngö hase milia a Tsunono. Alimiou e ranga hamatskömiou, taraha alia a Tsunono i tamilimiou na Tson Hihatuts has i tamilimiou.

U Bulungana u Niga tere Iesu Kristo te kolotein e Jon 13:14

Te galuse gula lia a man moumilimiou—alia a Tson Hihatuts na Tsunono has i tamilimiou—bara, alimiou ena galus hasemou a man mour a palai.

U Bulungana u Niga tere Iesu Kristo te kolotein e Jon 14:13

Alia e katoe gou a ka te rangata sila namoa limiou tara solor, te kato uanen teka ba solona e Tamar te solosei sila naroua i tar.

U Bulungana u Niga tere Iesu Kristo te kolotein e Jon 14:23

Be Iesu e ranga palisenen me poeiena, “Ere si te ngile riou lia te hengoe riou u raranga i tar, be Tamar te ngil has ranouen, na lam ena la has muma romana batemi kui luma mia i taren.

U Bulungana u Niga tere Iesu Kristo te kolotein e Jon 17:1

E Iesu e ranga hakapaia turu katunun tsitsilo i tanen me tara sei uana i Kolö me poeiena: “O Tamar, a pöata e butu hamanasa talana. Solo sei a Pien i tamölö, ba Pien i tamölö te solo sei hase noulö.

U Bulungana u Niga tere Iesu Kristo te kolotein e Jon 20:28

Be Tomas e ranga palis uana i tanen me poeiena, “O Tsunono na e Sunahan i tar!”

U Bulungana u Niga tere Iesu Kristo te kolotein e Jon 5:23

Ba u katuun te tatei hapaner a Pien temar hapan has meraien e Tamaren. E si tema hapane nei a Pien ema hapan hase nei e Tamanen te tula namen.”

U Bulungana u Niga tere Iesu Kristo te kolotein e Jon 9:22

U muntahol i mar ranga uu teka taraha nori i matoutir u katuun pan turu Jiu. A pal kapan i hatangana hoboto hakapein tegi tsuga mei ta katuun i luman lotu tego pei menaien e Iesu nonei e Mesaia te hala nema e Sunahan.

Aposol 10:36

Alimiou e atei silemiou u ranga te hala namen i tamulam u katunura i Israel. U raranga teka e habulungana nena a masalohana temi halan e Iesu, bate hakapa hasena u pakö turu katuun i tanen. Nonei a tsunono turu katuun hoboto.

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

U pas te koloto menai e Pol turu kristenira i Rom 14:11

I koloto has naia turu Buku u Göagono ba Tsunono e poeiena: “U mana koru alia e hatei ragou limiou, u katuun hoboto e hatukun roua i matar. U katuun hoboto e hatsunone riou romana lia ba nori te poe riou alia lasi a töa e Sunahan.”

U pas te koloto menai e Pol turu kristenira i Rom 14:9

Taraha, e Kristo e mate me töatöa pouts silena tego Tsunono uen turu katuun te töatöar na turu katuun ti mate.

1 Korin 12:3

Na lia e hatei ragi limiou, a katuun te ranga sila na turu Namnamei u Göagono tere Sunahan ema antunan ranga nanei, “Iesu egi korupaköni.” Na katuun tema kamenei u Namnamei u Göagono tere Sunahan ema antunan pei hase nei, “Iesu a Tsunono.”

1 Korin 15:47

A Adam tutuun i katoe ii u tsiktsikina i puta. Kaba a hahuoluna Adam, e Kristo, nonei a Tsunonona i Kolö.

1 Korin 8:6

Kaba ara u kristen e hamana ria tara töa puku a Got, nonei e Sunahan, e Tamarara te habuti a mamanaka, na ra e hamane ren. Na e ka has mena a töa puku a Tsunono, nonei e Iesu Kristo. E Sunahan e habutu sila naia a mamanaka i tanen, na ra e ka ria tara nitagala tere Kristo.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.

1 Jon 4:15

U katuun te poeier e Iesu a Pien Tson tere Sunahan, nori e pala uaier tere Sunahan na e Sunahan e pala has uana i taren.

1 Jon 4:2

Nonei teka temar tara marei menari u Namnamei tere Sunahan: u katuun te poeier e Iesu Kristo e butun Katunuma, e Sunahan te haranga ranen.

2 Jon 1:7

A para a katuun a gamogamo te hula la ria tara mamana han, bate holis ner te butun katuun hamana uu e Iesu Kristo. Na katuun te omiena e Kristo e markato has uana teka, nonei a katuun gamogamo.

Revelesin 3:5

Te tagala saluhe moalö, alö ena hasei hase mou u hasobö u hiaka temar hasei uaren. Alia ema antunan busa ba nagoi a solomölö turu bukuna tara nitöatöa. Alia ena hatei nagou a solomölö tere Tamar na u angelo u göagono i tanen.