Pilipai 1:8 - U Bulunagana U Niga

⁸ E Sunahan e atei silena a torir e ngil koru ranou limiou hoboto temar ngil has mera nei limiou e Iesu Kristo.

Pilipai 1:8 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 1:78

Taraha? E Sunahan i tarara e taatagi koru ranoura na e tami has na i tarara. Nonei e hala ranoira a hitaguhu a niga bate here noi a pitala te piri nama tara bongbong bate luba nena u kuhil.

U pas te koloto menai e Pol turu kristenira i Rom 1:9

A peisar hoboto e tagala silena a toukui tere Sunahan, balia te ranga hatei lanegu u Bulungana u Niga tara Pien i tanen. Ne Sunahan e atei silena te roron singo sil bera gilia limiou, tara mamana pöata te singo gia lia.

U pas te koloto menai e Pol turu kristenira i Rom 9:1

Alia e ranga hamana negu a nimana tere Kristo, alia ema gamogi. U Namnamei u Göagono te kato halesalena u hakats i tar, na lia e atei gia i torir u raranga teka e manana. A mamana pöata a torir e roron taatagi koruna bate tiamana te hakats hapara sil mera gilia u katuun i tar. Alia e tatei ngil noa hasegu tego korupakö menai e Sunahan alia bate luba nanei lia e Kristo, ba u Jiu te lueier a makum i tar, tega antunan lu pouts meraien e Sunahan tara maroro teka. Nonei temar ngil hapopo mera gien lia.

2 Korin 13:9

Te atei sile moua lam alimiou e hamana hatagala miou, ba lam te sasaalam, noahasina tema tagala uami lam. Alam e singo hatagala koru silem tego niga koru uaiam limiou.

2 Korin 6:12

Alam ema pile kap nami te ngil koru mera milam alimiou. E möa. Alimiou te pile kap namiou tego ngil koru mera milimiou alam.

2 Korin 7:15

Na e Taitus e ngil koru lel meranoui limiou te hakats pouts mena neien tu hengo hanigan töa mena milimiou u raranga i tanen na tu toul haniga me mien limiou a nisasaala, noahasina tu matout uaiam limiou.

Galesia 1:20

U raranga te koloto negu lia teka e manana. Alia e ranga hamana gia i matana e Sunahan, na alia ema gamo ragi limiou.

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Galesia 4:19

A matsi galapien i tar, alia e sagohegu a kamits e herenei a kamits te sagohena a tahol te katsin posana. Taraha, alia e ngil hatagala koruegu alimiou go heremi e Kristo.

Pilipai 2:1

Alimiou e goma tatei solopalemi te ka gono mena reira e Kristo bate hatagalena a torirara, bara te tatei hiangilngilira, bate tatei ka haniga gono mera u Namnamei tere Sunahan, bate hiataatagira.

Pilipai 2:26

Nonei e ngilin tara koru ranou limiou hoboton töa, na nonei e hakats haparpara koruna, taraha alimiou u hengo naiam te siki uaien.

Pilipai 4:1

A matsi hahatoulana, alimiou go tuol hakarapoto lasmia tara nitagala tara Tsunono. Alia e ngilin tara koru ragou limiou, a man hahikapien i tar. Alimiou e kato hasasaala korue moulia na limiou e heremi a prais i tar.

Kolosi 2:1

Na lia e ngilin hatei ragi limiou, alia u kui hatagala sil koru rilimiou na u katuun hasira i Laodisia te hamanar, na u katuun has tima tara noaia i matar.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Tesalonaika 2:5

Alimiou e atei silemiou alam uma mala angoso railimiou, na e Sunahan e atei sil hasena a torimulam ema ngile nei ta ka.

1 Tesalonaika 2:8

Alam u ngil koru raiou limiou bate hala rami limiou u Bulungana u Niga tere Sunahan. Na lam uma peits ba railimiou ta töa taka i tamulam, na peisamulam has, taraha alimiou a matsomi i tamulam.

2 Timoti 1:4

Te hakats pouts menagi lia u sulun mata i tamölö, ba lia te ngilin tara koru nagou lö bate sasaala korugu.

Pilimon 1:12

Noahasina te ngil koru menagien lia, kaba lia e hala pouts mena goien i tamölö.

Pilimon 1:20

A tsi toular, tara solona a Tsunono alö go taguhe moulia, ba lia te sasaala uagu tere Kristo.

1 Jon 3:17

Kaba a katuun te ka mena a mamanaka bate atei sil hasena e toulanen e moana ta kannou ba nonei tema taatagi naneien, ga ime temar ngil mena neien e Sunahan? Ge möa tala.