Pilipai 1:5 - U Bulunagana U Niga

⁵ Taraha, alimiou u taguhe moulia tara toukuina turu Bulungana u Niga, tara pöata tu hengo tutune mien limiou bate la noahasina i romana.

Pilipai 1:5 ပူးပေါင်းရင်းမြစ်များ

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

U pas te koloto menai e Pol turu kristenira i Rom 11:17

U Jiu e hereri u ruein olip u niga, na limiou u katuun tema Jiu mi e heremi u ruein olip u hie. E Sunahan e peko ban a palaina a kala turu ruei u niga, ba nonei e hasopena a man kala turu ruei u hie tara makum i taren. Na limiou u katuun tema Jiu mi e luemiou a manka man niga turu Jiura i manasa.

U pas te koloto menai e Pol turu kristenira i Rom 12:13

Alimiou go hala has rami a palair u kristen a manka i tamilimiou, bate lu has merami u katuun i luma i tamilimiou.

U pas te koloto menai e Pol turu kristenira i Rom 15:26

Taraha, a hun katuun tere Kristo i Masedonia na i Gris e hala naier u moni tegina taguhu merai u katuun tere Kristo i Jerusalem ti möa ta ka.

1 Korin 1:9

E Sunahan e hamanena a ka te katoe nouen ba nonei te pakoko ranou limiou, u katuun te kagono mer a pien Tson i tanen e Iesu Kristo a Tsunono i tarara.

2 Korin 8:1

A matsi hahatoulana, alam e hatei rami limiou temar kalala merai e Sunahan a man hun katuun tere Kristo i Masedonia.

Epesis 3:6

Nonei u raranga momous teka e markato uana: alimiou u katuun tema Jiu mi e ka gono hoboto mera moulam bara te katoeiera a töa hun katuun. Alimiou has e lue miou a manka man niga tere Sunahan. Na u ranga hamana teka e kato sila naia e Sunahan tere Iesu Kristo. Na ka teka e butu sila ma turu Bulungana u Niga.

Pilipai 1:12

A man hahatoulana i tar, alia e ngilegu alimiou go atei sileiam a ka te butuia i tar e taguhu korui a toukui turu Bulungana u Niga. Me la kalakala uana tara mamana katuun, na u soldia hoboto tara gamman pan iahana taun teka na palair u katuun hoboto has e atei siler a ka te karabus silegu lia, te katunun kui uagu lia tere Kristo.

Pilipai 1:16

Na u katuun e kato merien taraha nori e ngil korue riou lia. Nori e atei siler e Sunahan e haka mei lia teka tego tuol hakarapoto menai lia u Bulungana u Niga.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Pilipai 2:22

Alimiou e atei silemiou e Timoti e harötein nonei a katunun kui a niga. Alia e heregi e tamanen ba nonei te here nei a pien i tar. Alam e kui hoboto silem u Bulungana u Niga.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

Pilimon 1:17

Na te tara here tala namilö alia a hahikapien i tamölö, bara, mar lu tala menai e Onesimus tego mar lu has menailö alia.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

1 Jon 1:3

Alam e hatei nem a ka tu tari lam na ka tu hengoe nilam bara te hiakaka haniga hobotora, bate ka gono mera e Tamarara na e Iesu Kristo a Pien Tson i tanen.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.