Pilipai 1:26 - U Bulunagana U Niga

²⁶ Ba pöata tena ka gono lel mera goua lia alimiou, ba limiou te sasaala memou lia bate soloseie miou e Iesu Kristo.

Pilipai 1:26 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 16:22

Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou.

U Bulungana u Niga tere Iesu Kristo te kolotein e Jon 16:24

I manasa na te la noa hasina i romana alimiou uma singo silemi ta ka tere Tamar tara solor. Singoiam ba limiou te lue mouen, ba nisasaala i tamilimiou te onoto hakapa nitöa nou.”

2 Korin 1:14

Tema lu hanige moien limiou tara pöata teka, ba tara pöata tena kopis pouts nama romana e Iesu a Tsunono, alimiou na sasaala mera moulam temar sasaala has mera moi lam alimiou.

2 Korin 5:12

Alam ema ngilin soloseiemi a peisamulam i matamilimiou. E möa. Alam e haröto las rami limiou aha te tatei masa merami limiou alam. Ba limiou te töan ranga palis haniga mia turu katuun te saaler a peisaren kaba a markato i taren ema niga bala nei.

2 Korin 7:14

Alia u saala raiou limiou tere Taitus ba limiou e kato hamanemiou u raranga i tar. A mamanaka ti ranga hamana naia lam i tamilimiou e butu hamana. Na ti saala menai lam alimiou tere Taitus e butu hamana has.

2 Korin 7:4

Alia e saala koru ragou limiou bate sasaala has meragou limiou. A mamana nomi e butuna i tamulam, kaba lia e ongolo koru noa hasigu. A nisasaala i tar e möa ta nönöa nen.

2 Korin 7:6

Kaba e Sunahan e roron kato hasasaala rena u katuun te kamer a nitaatagi, na nonei e kato hasasaala has raiou lam tara pöata te tukuia e Taitus.

Galesia 6:4

Man tötöa man katuun hoboto e tatei tara marei peiseier tega niga u a markato i taren tsi tega omi uaien. Na katuun te kato hanigana e tatei sasaala mena a markato a niga i tanen, kaba nonei ema tatei pei nei a markato i tanen e niga bala nena a markato tara tana katuun.

Pilipai 3:1

Na a kapakapana u raranga i tar a matsi hahatoulana, alimiou go sasaala meiam a Tsunono. Alia ema antunan karous nagi tego hahatei hakopis menai lia u raranga. Taraha e taguhu has ranou limiou.

Pilipai 3:3

A markatona i puta na markato te hapö uaier ema kato raneira u katuun tere Sunahan. E möa. Ara u katuun hamana tere Sunahan, taraha ara e hatsunonera e Sunahan i torirara bate sasaala mera e Iesu Kristo.

Pilipai 4:10

Alia e sasaala korugu na lia e haniga gia tara Tsunono te haröto mena milimiou te hakats sil noahas mena milimiou alia. Alimiou e ngilin taguhu nitöa namou lia, kaba limiou u möaiam ta maroro tego mar taguhu menami lia.

Pilipai 4:4

Alimiou go sasaala nitöa meiam a Tsunono! Na lia e hatei lel ragou limiou, sasaalaiam!