Pilipai 1:21 - U Bulunagana U Niga

²¹ Taraha, a mouna a nitöatöa i tar e Kristo. Na te mate goua lia, ba lia te lue gou a nitöatöa te niga balana.

Pilipai 1:21 ပူးပေါင်းရင်းမြစ်များ

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

2 Korin 5:1

Alam e atei silem te rure roua a taluhu na i puta te ka mia lam, alam ena luemou a luma a tsimus te halani e Sunahan i Kolö. A luma teka e möa ta katuun tega kuieien, e kana i Kolö na e ka nitöa nou.

2 Korin 5:6

Bate markato uana teka, alam e ongolo korum na lam e atei silem, a pöata te ka noa mia lam tara han i puta teka, alam ema ka gono memi a Tsunono tara han i tanen.

2 Korin 5:8

Aa, alam e ongolo korum ne niga bala nena alam go haka ban u tuenrei i tamulam batena ka gono mem a Tsunono tara han i tanen.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

Pilipai 1:20

A torir e ngil hatagala koruena na e hamana koru hasena alia ema katoe goi ta ka tego kato hamatsingole ioulia. Na tara mamana pöata alia ema ngilin matout gi. Na lia e ngilegu a peisar hoboto ega hapani e Kristo, te töatöa noa gialia tsi tena mate goalia.

Pilipai 1:22

Te töatöa noahas goua lia, ba lia te katoe gou a saha toukui te nigana. Alia ema atei silegi aha te nigana: tego töatöa noa uu lia tsi tego mate uu lia.

Pilipai 1:23

Alia e hula hakats negu a ka teka. Alia e ngil koruegu tegona ka gono menai e Kristo, te niga balana.

Pilipai 2:21

A palair u katuun hoboto e hakats las ner a nikaka peisa i taren, batema hakats sileri a manka tere Iesu Kristo.

Kolosi 3:4

E Kristo a mouna a nitöatöa i tamilimiou, na pöata te butu pouts nen romana, alimiou e ka gono has memouen turu hiharöto pan i tanen.

Revelesin 14:13

Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”