Pilipai 1:19 - U Bulunagana U Niga

¹⁹ Na lia e atei silegu e Sunahan e taguhe noulia ba lia te ka hanigagu, taraha alimiou e singo sile moulia ba u Namnamei tere Iesu Kristo te taguhe noulia, ba lia te hakapa goua tara karabus.

Pilipai 1:19 ပူးပေါင်းရင်းမြစ်များ

Aposol 16:7

Pöata tina butuien i Misia, ba nori e torohanan katsin la uaier iahana a provins i Bitenia. Kaba u Namnamei tere Iesu e hatu kap raien.

U pas te koloto menai e Pol turu kristenira i Rom 8:28

Na ra e ateira, a mamanaka hoboto e kui haniga silena u katuun te ngiler e Sunahan, u katuun te ngö sil rai e Sunahan tegi kukute menaien u ngilngil i tanen.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

2 Korin 1:11

E Sunahan e taguhu ranoulam te singo sil mera milimiou alam. Ba u katuun te haniga uariou i tanen taraha, nonei e hengoena a man singosingo i tamilimiou tara nitataala a niga i tamulam.

Galesia 3:5

Tara pöata te hala nanoua e Sunahan u Namnamei i tanen i tamilimiou, bate katoena a man mirakol i gusumilimiou, nonei ema kato menoi a ka teka te kukute mena milimiou a Lo turu Jiu. Kaba nonei e kato menoien te hengo menami limiou u Bulungana u Niga bate hamane men.

Galesia 4:6

Te pala tala uarara i tanen, be Sunahan te hala mena mei u Namnamei tara Pien Tson i tanen i torirara bara te ranga hamatskö koru tala nera, e Sunahan nonei koru e Tamarara.

Pilipai 1:18

Kaba e noahasina te hohou rarare uaren na te rarare hamana uaier a palai. Nori e rarare noa laser e Kristo, na ka teka e kato hasasaala korue noulia.

1 Pita 1:11

U Namnamei tere Kristo te kaia i toriren e hatei raien tega sagoho menai e Kristo a kamits, ba i murinen banonei te lu hasena a nikapan. Na nori i hiarangrangata hasiin a ka teka ega butuia teresi na tara saha pöata, kaba nori ima atei haniga ii.