U Bulungana u Niga tere Iesu Kristo te kolotein e Mak 9:43 - U Bulunagana U Niga

⁴³ Na tega kato homieia lö a limamölö, ngats kotsi balö te ba namen. E niga bala nena tego kamei lö u ualima u korus balö te lueiem a nitöatöa te ka nitöana. Kaba e omi koruna tego ka menai lö u huol u ualima balö te lauam tara hanin hahuna i hel, turu tula tema antunan hoso nari.

U Bulungana u Niga tere Iesu Kristo te kolotein e Mak 9:43 ပူးပေါင်းရင်းမြစ်များ

Matiu 17:27

Kaba, ara ena mots kato haraharaha raiera u katuun teka. Lala i ramun balö tena lase muma ta iena. A iena tutuun tena lase mölö alö na hoso hapange mou a rungunen bate sabie mou a töa a moni, balö tena lue mumen batemi hole mien a takis i tarara.”

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

Matiu 3:12

Nonei e katsin kato hamanasena a toukuin hamou turu wit. Nonei e lu kaakata ranou u katuun u niga na u katuun u omi. Nonei e haka ranoa u katuun u niga tara han a niga, ba nonei te tsuga mera noi u katuun u omi turu tula tema antunan hoso nari.”

Matiu 5:22

Kaba alia e hatei ragou limiou, te raharahe mia lö e toulamölö, alö e la mou turu kout. Na te ranga hohomi koru namia lö e toulamölö, alö e la uamou turu kout pan. Na katuun te ngöe nei e toulanen a momolö ena mots lauana turu tulana i hel.

U Bulungana u Niga tere Iesu Kristo te kolotein e Mak 9:44

U Bulungana u Niga tere Iesu Kristo te kolotein e Luk 14:13

Pöata te katoe mia lö a kannou, ngöri u katuun ti möa ta ka, na u tuenrei omi, nu mou omi, na u matakiou.

U Bulungana u Niga tere Iesu Kristo te kolotein e Luk 14:21

Ba katunun kui e la poutsuna mena hateie nei a tsunono i tanen a manka teka. Ba torina a tsunono e si koruna me poeiena tara katunun kui i tanen, ‘Hasesei boroboro uu tara man maroro a man kapan na tara maroro a man tetenei iahana taun teka. Ba lö tena lu ramuma u katuun ti möa ta ka, na u tuenrei omi, nu matakiou, na u mou omi, ba lö temi piou ramien i luma i tar.’ Ba katunun kui ena markato has uana teka.

U Bulungana u Niga tere Iesu Kristo te kolotein e Luk 3:17

Nonei e katsin lu kata rena u katuun u niga na u katuun u omi, temar hapiraka menari a pem na ngal. Nonei e haka ranoua u katuun u niga tara han a niga, ba nonei te tsuga mera noui u katuun u omi turu tula tema antunan hoso nari.”

U pas te koloto menai e Pol turu kristenira i Rom 8:13

Na te kukutie moa limiou u ngilngilina i puta ba limiou te mate mou. Kaba te taguhu ranoua limiou u Namnamei, ba limiou te kato hamatiemou a markato a omi turu ngilngilina i puta, ba limiou te töatöa mou.

1 Korin 9:27

Kaba lia e hipus koru negu u ngil turu tuenrei i tar bate haka pute gen. Taraha, alia e hahatei na gou u Bulungana u Niga turu katuun tegi tagala sil menaien e Sunahan, kaba lia a töa ena mots rus ba nagen.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

1 Pita 2:1

Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.