U Bulungana u Niga tere Iesu Kristo te kolotein e Mak 7:15 - U Bulunagana U Niga

¹⁵ E möa ta ka ta omi ielesala tara katuun tega antunan kato homi a katuun, kaba a ka te lakasa nama tara torina a katuun, nonei te kato homie nou lö.”

U Bulungana u Niga tere Iesu Kristo te kolotein e Mak 7:15 ပူးပေါင်းရင်းမြစ်များ

Matiu 12:34

Alimiou u katuun tara kökötsi. Ime te tatei mar ranga mena milimiou a manka man niga te katuun omi uamilimiou? A ka te kana turu tori, u rung te ranga halakasa nanen.

Matiu 15:16

Be Iesu e poeiena i taren, “Alimiou ema ka noahas memi ta niatei.

U Bulungana u Niga tere Iesu Kristo te kolotein e Mak 7:14

Be Iesu e ngö lel rena u katuun me poeiena, “Hahengo haniga mia i tar bate atei sile miou a ka teka.

U Bulungana u Niga tere Iesu Kristo te kolotein e Mak 7:16

Aposol 10:28

Ba nonei e poeiena i taren, “Alimiou e atei silemiou a Lo i tamulam u Jiu te hapiou nena tego kapiena merai lam u katuun tema Jiu ri. Na lam u Jiu ema tatei tasu has mia tara luma i tamilimiou. Kaba e Sunahan e hatare lalei lia, alia goma mar hakats lel uai teka. Alia goma tatei pei lelei a tana katuun e tara halel na i matana e Sunahan. E möa.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

1 Korin 10:25

Alimiou e tatei nouemiou a haruete te hahol naria tara töana batema rangrangata namien.

Taitus 1:15

Turu katuun te kato hagöagono ria i matana e Sunahan, a mamanaka i taren e göagono hasina. Kaba, turu katuun u omi te hahamanar, e möa ta töa ta ka i taren tega nigaia i matana e Sunahan, taraha, a toriren na u hakats i taren ema göagono has nei.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

Hibru 9:10

Nori i ka las mei a markatona tara kannou na tou ua na mamana mar nigalus. Nori i ranga lasiin a man kana turu tuenrei e antunana tego hamatskö menai e Sunahan a mamanaka a tsimus.