U Bulungana u Niga tere Iesu Kristo te kolotein e Mak 14:49 - U Bulunagana U Niga

⁴⁹ Turu mamanu lan alia u ka gono meraiou limiou tara Luman Lotu Pan bate hihatutsugu, ba limiou tema pile kap nami lia. Kaba a ka teka e butu silena tega mana uu Buku u Göagono.”

U Bulungana u Niga tere Iesu Kristo te kolotein e Mak 14:49 ပူးပေါင်းရင်းမြစ်များ

Matiu 1:22

A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”

Matiu 26:54

Kaba tego markato u lia teka, ga ime temar mana uanou u raranga te kana turu Buku u Göagono? Taraha, u Buku u Göagono e poeiena nonei ega mar butu uu teka.”

Matiu 26:55

Be Iesu e poeiena turu katuun u parpara koru, “Alimiou e la memuma a man lahoton hiatatung na man baru tegomi pile kap here memilia a katuun a hihiatung na kopkop. Ga taraha, ba limiou tema pile kap nami lia turu mamana u lan ti ron hihatuts ialia iahana a Luman Lotu Pan.

Matiu 26:56

Kaba mamanaka hoboto teka e butu silena tego kato hamana menaien u raranga ti koloto naia u propet turu Buku u Göagono.” Ba u katunun tsitsilo hoboto i tanen e laba naren me busur.

U Bulungana u Niga tere Iesu Kristo te kolotein e Mak 10:1

E Iesu e laban i Kapenium me la uana tara provins i Judia, me arohena a Ramun olo i Jodan me la noa talasina. U katuun u parpara i kukute noa laseien mena gonogono lelria i tanen, ba nonei e hihatuts lel na i taren te roron markato uaien.

U Bulungana u Niga tere Iesu Kristo te kolotein e Mak 11:27

Nori i tuku pouts lel ia i Jerusalem. Ba pöata te tataala laia e Iesu iahana Luman Lotu Pan, bu pris pan na u tson hihatuts tara Lo na pal kapan e la uarima i tanen.

U Bulungana u Niga tere Iesu Kristo te kolotein e Mak 12:35

Pöata te hihatutsia e Iesu tara Luman Lotu Pan ba nonei e poeiena, “E hana ba u tson hihatuts tara Lo te poeier e Mesaia a hatutubunei tere Devit?

U Bulungana u Niga tere Iesu Kristo te kolotein e Mak 14:48

Be Iesu e rangata ranen, “Alimiou e kato here koru na milia a katuun a kopkop balimiou te söate muma a man kilatan hiatatung na man baru tegomi pile kap mena milimiou alia?

U Bulungana u Niga tere Iesu Kristo te kolotein e Mak 14:50

U katunun tsitsilo hoboto i tanen i laba naien me busur.

U Bulungana u Niga tere Iesu Kristo te kolotein e Luk 19:47

E Iesu e hihatuts ia tara Luman Lotu Pan turu mamanu lan. Ba u pris pan na u tson hihatuts tara Lo na pal kapan turu Jiu e ngilin atung hamate naren.

U Bulungana u Niga tere Iesu Kristo te kolotein e Luk 22:37

Taraha? Alia e ranga mera gilimiou a ka teka: u raranga turu Buku u Göagono ega butu hamana te poeiena, ‘Nonei i ngöe ii a katuun a omi.’ Nonei e ranga nanou lia, na u raranga ti koloto sile ii lia ega butu hamana.”

U Bulungana u Niga tere Iesu Kristo te kolotein e Jon 18:20

Be Iesu e poeiena i tanen, “Alia u roron rangaia i matar u katuun. Na lia u roron hihatutsia tara man luman lotu a man tetenei na tara a Luman Lotu Pan, a man makum ti roron gono hobotoia u Jiu. Alia uma ranga hamousi.

U Bulungana u Niga tere Iesu Kristo te kolotein e Jon 7:37

Turu lan te kapaia a kannou, nonei u lan u kapan koru. Ba e Iesu e tuoluna me ranga hapan koru uana turu katuun me poeiena, “Te maka mia lö, la uama i tar batemi uam.

U Bulungana u Niga tere Iesu Kristo te kolotein e Jon 8:12

E Iesu e ranga lel uu turu katuun me poeiena, “Alia u ualesala te alesala uana turu katuun i puta. Esi te kukutie noulia ema tataala lel noi turu kuhil kaba e ka menou u alesalana tara nitöatöa hamana.”

U Bulungana u Niga tere Iesu Kristo te kolotein e Jon 8:2

Tara bongbong koru ba nonei e la pouts uana tara Luman Lotu Pan. Ba u katuun e gono hoboto ua rima i tanen ba nonei e gumuna me tanian hihatutsna i taren.