U Bulungana u Niga tere Iesu Kristo te kolotein e Mak 10:45 - U Bulunagana U Niga

⁴⁵ Alia tu butun Katunuma uma la sile mei tegomi hakui mera ii u katuun. E moa. Alia u la silema tegomi kui be mera ii u katuun, na tegomi sakahis menai lia u katuun u parpara tara tou mate i tar.”

U Bulungana u Niga tere Iesu Kristo te kolotein e Mak 10:45 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 10:44

Na esi ta katuun te ngilin mammam na i gusumilimiou ego kato herenaia a peisanen a tsi katuun papala.

U Bulungana u Niga tere Iesu Kristo te kolotein e Jon 13:14

Te galuse gula lia a man moumilimiou—alia a Tson Hihatuts na Tsunono has i tamilimiou—bara, alimiou ena galus hasemou a man mour a palai.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 5:8

E manana, nonei a Pien tere Sunahan, kaba nonei e sagoho noahasi u kamits, na ka teka e hatutseien a markato te hengo haniga menaien e Sunahan.

1 Pita 1:19

E möa. Nonei e sakahis rai limiou u rahatsing tere Kristo, te la sei ba nena a mamana mar hihol hoboto. E Kristo e here ii a tunan sipsip a niga koru te haats ner tema ka menei taka ta omi i tanen.