Matiu 5:7 - U Bulunagana U Niga

⁷ Na u katuun te taatagi rer a palair u katuun egi sasaala. E Sunahan e ngö ranoien u katunun sasaala, taraha nonei e taatagi has ranoien.

Matiu 5:7 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 11:25

Pöata te tuol mialö bate singom, solopali a raharaha i tamölö tara tana katuun be Sunahan e Tamarara iasa koru te solopala hase nou a man markato a man omi i tamilimiou.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

U pas te koloto menai e Pol turu kristenira i Rom 11:30

Alimiou uma hengoe mi e Sunahan i manasa, kaba i romana e Sunahan e taatagi ranou limiou, taraha u Jiu e lagi hengor.

1 Korin 7:25

Alia u möa tu ranga tu tagala tara Tsunono te hatei nena u katuun u tabuna hitöl. Kaba a Tsunono e taatagi nanou lia bate hamane noulia. Na lia e hatei ragi limiou u hakats i tar.

2 Korin 4:1

Te markato tala uanen teka, te hala raialam e Sunahan a toukui teka tara nitaatagi i tanen, alam ema sökana namien. E möa.

Epesis 4:32

Alimiou go hiakaka hanigaiam ba limiou te hiataatagi miou. Alimiou go solopaleiam a markato a omi tara taina katuun bate tara poutse men, temar luba has menai e Sunahan a man markato a man omi i tamilimiou tara solona e Kristo.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Timoti 1:13

Noahasina ti roron ranga hohomi sil menaien lia i manasa na tu kato hohomi menai lia u katuun i tanen. E Sunahan e taatagi naiou lia, taraha alia u hahamana naien batema atei silegi a ka ti kati lia.

1 Timoti 1:16

Nonei teka ti mar lu sila menai lia, alia a töa katuun a omi hataia nitöa, kaba tara nitaatagi tere Iesu Kristo ba nonei e haröto nena te antunan hahaloso uanen, me kato here nanei lia u haharuei tego haröto menaien lia turu katuun te ngilin hamana uar i tanen, bate lue riou a nitöatöa te ka nitöana.

Hibru 4:16

Na aragi ongolo tala bate la hasukusuku uara tara makum a göagono tere Sunahan tara pöata te singo ria ra, taraha nonei e taatagi ranoura ra. Na saha pöata tema tagala reia ra, nonei e taatagi ranou ra bate taguhu ranou ra.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

Jemis 2:13

E Sunahan ema antunan taatagi nanoi a katuun tema taatagi nanei a tana katuun. Kaba te taatagi namia limiou a tana katuun i romana, be Sunahan te taatagi has ranou limiou romana tara pöata te butuna u kout i tanen.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Pita 2:10

I manasa alimiou ima katuun uami tere Sunahan, kaba i romana alimiou u katuun i tanen. Na limiou ima atei silemi te taatagi mera nei e Sunahan u katuun, kaba i romana alimiou e atei silemiou e Sunahan e taatagi ranou limiou.