Matiu 28:20 - U Bulunagana U Niga

²⁰ Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

Matiu 28:20 ပူးပေါင်းရင်းမြစ်များ

Matiu 13:49

Te markato has uaren romana tara pöata te kapana romana a han. U angelo e la rima romana batemi arena rariou u katuun u omi na u katuun u niga, bate lapo ba raria romana u katuun u omi turu pannen u tula. Ba nori te tabe hohomi ria romana turu tula bate har hasir.”

Matiu 18:20

Na tegi gonoia a huol tsi a topisa a katuun tara solor, alia e ka gia i gusuren.”

Matiu 24:3

Pöata te gum ia e Iesu turu Pokus tara Ruein Olip ba u katunun tsitsilo i tanen emi ka momous pepeisa gono meren me rangate ren, “Hatei ramei lam i hangisa te butuna romana a ka teka, na u hiharöto te hatara nanou a pöata tego la pouts uama lö, na te kapana romana a han.”

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U Bulungana u Niga tere Iesu Kristo te kolotein e Mak 16:20

Bu katunun tsitsilo e lar mena habulungana ner U Bulungana na tara Nitöatöa turu han hoboto. Ba Tsunono e kato sila nana a man mirakol i taren te harötein a man raranga i taren e manana.

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

Aposol 20:27

Alia uma peits ba railimiou tu ranga. E möa. Alia u hatei railimiou a man hakats hoboto tere Sunahan.

1 Korin 11:2

Alia e haniga ragou limiou, taraha alimiou e hakats kap namou lia tara mamanaka na limiou e kukutemiou u hihatuts hoboto tu hala railia limiou.

1 Korin 11:23

U hihatuts te hale ii lia a Tsunono, te hala has ragilia alimiou. I mamina tega mateia e Iesu a Tsunono, nonei noahas tara bong ti hala naien turu pakö, banonei e lueiena a beret me haniga uana tere Sunahan, ba nonei e pose nen me poeiena, “Nonei u tuenrei i tar teka tena mate sil ranou limiou. Alimiou ena kato has uamou teka bate hakats pouts namou lia.”

1 Korin 14:37

Esi te poeiena nonei e ka mena a nitagala tego ranga menaien u raranga hamatskö tere Sunahan tsi e ka mena a nitagala turu Namnamei u Göagono, nonei e tatei atei silena a manka te koloto mena gilia i tamilimiou e Sunahan e ranga mam naien i tar.

Kolosi 1:28

Alam e hatei lanem e Kristo turu katuun hoboto. Alam e torohanan hihatuts nem a mamana niatei te halani e Sunahan. Taraha, alam e ngilem a man tötöa man katuun hoboto egi herei a katuun a tangoho te kukute hanigan töa merien e Kristo.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.

2 Pita 3:2

Alimiou go hakhakats kap naiam u raranga ti rangein u propet u niga i manasa, na u raranga tara Tsunono te lu pouts raiou ra, u ranga ti hala mera lelam u aposol i tamilimiou.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 22:14

U katuun te galuser u hasobö i taren egi sasaala. Nori te tatei tasu ria tara tamana tara taun na e tatei nou ria tara huana u rueina tara nitöatöa.