Matiu 27:50 - U Bulunagana U Niga

⁵⁰ Be Iesu e ku hapan lenina, ba nonei e hala banena u namnamei i tanen be matena.

Matiu 27:50 ပူးပေါင်းရင်းမြစ်များ

Matiu 27:49

Ba palai e poeier, “Haka banaiam, bara te tarera tega la uama e Elaitsa batemi taguhe nen!”

U Bulungana u Niga tere Iesu Kristo te kolotein e Mak 15:37

Be Iesu e ku hapanina me matena.

U Bulungana u Niga tere Iesu Kristo te kolotein e Luk 23:46

Be Iesu e ku hapan koruna, “O Tamagulia! Alia e hake gia u namnamei i tar i limamölö!” Nonei e mar ranga las uu teka bate matena.

U Bulungana u Niga tere Iesu Kristo te kolotein e Jon 10:11

“Alia e heregi a katunun pepeito kap a niga turu sipsip te tatei mate sil rena u sipsip i tanen.

U Bulungana u Niga tere Iesu Kristo te kolotein e Jon 19:29

A kaan osul te saputi u uain u melil e ka, ba nori e hapöluseier a ka te tatei sopena u uain turu uain u melil me hake rien tara tsi kalan ruei ti ngöei u hisop, ba nori e hasoa menarien i runguna e Iesu.

U Bulungana u Niga tere Iesu Kristo te kolotein e Jon 19:30

Be Iesu e ousena u uain me poeiena, “A toukui hoboto i tar e kapa talana.” Ba nonei e tötörokö putana me matena.

Hibru 2:14

A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

Hibru 5:7

Tara pöata te kaia e Iesu i puta, nonei e singo hatagala koru u tere Sunahan bate ngala hapan koru mena te singo sil menaneien ta hitaguhu, taraha e Sunahan e antunan hatongo kap nanen tara tou mate. Na e Sunahan e hengo haseien, taraha nonei e hengo koru hasi e Sunahan.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.