Matiu 26:28 - U Bulunagana U Niga

²⁸ Taraha, nonei u rahatsing i tar te kato hatagalenou u rangan kits tere Sunahan na te takis bera nou u katuun u parpara bate luba nanou a markato a omi i taren.

Matiu 26:28 ပူးပေါင်းရင်းမြစ်များ

Matiu 26:27

Ba nonei e luena a kap uain me haniga uana tere Sunahan me hala ranen. Ba nonei e poeiena, “Alimiou hoboto go ua mia tara kap teka.

Matiu 26:29

Na lia e hatei ragou limiou, alia ema tatei ua lele goi romana u uain teka e antunana tara pöata tena ua gono mera goa lia limiou u uain u tsimus tara Nipepeito tere Tamar.”

Matiu 6:12

Alö go hapolasema u kato homi i tamulam te hapolasa has menamilam u kato homi ti katoeia u katuun i tamulam.

U Bulungana u Niga tere Iesu Kristo te kolotein e Mak 1:4

E Jon a tsonun baptais e lama tara makum a palaka memi habulungana nena u rarangana tegi baptais merai u katuun me poeiena, “Habirits ba naiam a man markato a man omi i tamilimiou bate habaptais miou, be Sunahan te luba nanou a man markato a man omi i tamilimiou bate tara pouts ranou limiou.”

U Bulungana u Niga tere Iesu Kristo te kolotein e Mak 14:24

Ba e Iesu e poeiena, “Nonei u rahatsing i tar teka te kato hatagale nou u rangan kits u tsimus tere Sunahan te tatsu beranou u katuun u parpara.

U Bulungana u Niga tere Iesu Kristo te kolotein e Luk 22:19

Be Iesu e lu hasena a beret me haniga uana tere Sunahan me posepose nen. Ba nonei e hala ranen me poeiena, “Nonei u tuenrei i tar teka tena mate sil ranou limiou. Alimiou ena markato has uamou teka bate hakats pouts namou lia.”

U Bulungana u Niga tere Iesu Kristo te kolotein e Luk 22:20

Ba i murina ti nou hakapaien, be Iesu e luena a kap uain me markato has mena neien iesana me poeiena, “A kap teka te takis bera noulimiou e haharuei nena u ranga hamana u tsimus tena kitse gou ii lia u rahatsing i tar.

U pas te koloto menai e Pol turu kristenira i Rom 5:15

Kaba a huol a katuun teka ima kato uai iesana. A markato a omi tere Adam ema poponeia tara nitaatagi na ka te hala pukpuku raira e Sunahan. E manana, u katuun u parpara koru i mate silaia turu kato homi tara töa puku a katuun e Adam. Kaba a nihitaguhu tere Sunahan na kaan halhala puku i tanen e pan balana, bate taguhu has rena u katuun u parpara, taraha a töa katuun nonei e Iesu Kristo te taatagi ranou ra.

U pas te koloto menai e Pol turu kristenira i Rom 5:19

Turu kato homi tara töa katuun puku te hipusin e Sunahan ba katuun a parpara e kato homina i matana e Sunahan. Kaba a tana katuun e hengo hanigei e Sunahan, ba katuun a parpara e matskö ria i matana e Sunahan.

1 Korin 11:25

Na te markato has menaien a uain i murina ti nou hakapaien, be Iesu e lueiena a kap me poeiena, “A kap uain teka e haharuei nena u rangan kits u tsimus tena kato hatagale goi lia u rahatsing i tar. Alimiou ena kato has uamou teka bate hakats pouts namou lia.”

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Kolosi 1:14

E Sunahan e sakahis sila raiara i tanen me luba ranera a man markato a man omi.

Kolosi 1:20

Ne Sunahan e ngilin sakahis sila naia a mamanaka hoboto i tanen tere Kristo. Nonei e ngilin katoena a ka teka tara mamanaka ni puta na i kolö. E Kristo e mateia tara kuruse na u rahatsing i tanen te nolo poutsi a manka hoboto tere Sunahan.

Hibru 10:29

Kaba a nihahuna te pan bala koruna e hahalosena a katuun te omiena a Pien Tson tere Sunahan. Taraha, nonei e sigalena u rahatsingina turu ranga te kitsi e Sunahan. Nonei u rahatsing te kato mam meien a katuun a matskö tere Sunahan. Na nonei e ranga homi has nena u Namnamei tere Sunahan te taatagi nen.

Hibru 13:20

E Sunahan, te hala ranei ra a masalohana, e tatei hala ranei limiou a mamanaka a niga, antunana tego kato mena milimiou u ngil i tanen. Nonei te hatakei poutsi a Tsunono i tarara e Iesu, nonei a katuun te taratara kap rena u katuun i tanen bate here nei a katuun te taratara kap rena u sipsip i tanen. Nonei e hatakei poutseien tara tou mate me haröto nena u rahatsing i tanen te kato hatagalena u rangan hiahanhaniga te kits gono meien e Sunahan na u katuun. Nonei u raranga te ka nitöana. Nonei e tatei taguhu ranou limiou ba limiou te katoemiou a manka te niga balana i matanen, te hamana uamia limiou tere Iesu Kristo. Aragi solosei e Kristo tara mamana pöata i murimuri. U mana.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

1 Jon 2:2

Taraha, e Iesu te sakahis raioura tere Sunahan tara pöata te mateien. Nonei ema kato pepeisa beraira a ka teka. Kaba nonei e kato mei a ka teka tega taguhu meraien u katuun hoboto tara mamana han i puta.

Revelesin 7:14

Ba lia e poeiegu i tanen, “A tsi tsunono, alö te ateim.” Ba nonei e poeiena i tar, “Nori u katuun ti lama tara pöata tara kamits pan. Nori i galus hahiake mei u hasobö i taren u rahatsing tara Tunan Sipsip.

Revelesin 7:9

I murina a ka teka alia u tari a katuun a parpara koru, e möa ta katuun tega antunan ase sabe raien. Nori i lama tara mamana han hoboto tara man hun katuun, na turu mamana u mar ranga. Nori e tuol ria i matana u gumgum u göagono tere Sunahan na i matana a Tunan Sipsip. Nori i kamei a man hasobö a man hiaka bate pile ner a man kalan kikia i limaren.