Matiu 25:30 - U Bulunagana U Niga

³⁰ Bate lapo ba naroa ielesala turu kuhil. Tara makum tena tabe hohomi koru ria romana u katuun bate kutu hakarkarangaker a liho ren.’”

Matiu 25:30 ပူးပေါင်းရင်းမြစ်များ

Matiu 13:42

Ba nori te lapo merari romana turu pannen u tula. Ba nori te tabe hohomi ria romana turu tula teka bate har hasir.

Matiu 22:13

Ba e king e ranga merena u katunun kui i tanen, ‘Kits kap naiam a limanen na mounen ba limiou te lapo ba namien ielesala turu kuhil, tara makum te tabe hohomi nouen bate kutu hakarkarangakena a liho nen.’”

Matiu 24:51

Ba katuun pan te hahune noen, ba nonei tena haka gono mera neien u katuun u gamogamo. Tara makum tena tabe hohomi rouen bate kutu hakarkarangaker a liho ren.”

Matiu 3:10

A nikö e ka hakapaia i mouna u ruei. A man ruei tema hua haniga ri e ngats ba rariou bate lapo ba raroa turu tula.

Matiu 5:13

E Iesu e ranga lel me poeiena, “Alimiou e here rami u soluna i puta. Kaba te tia banena u sol a nimal i tanen, e möa len ta maroro tegi markato menaien bate mal poutsina. E gi ba lasiin ba u katuun te tötö ria i oulunen.

Matiu 8:12

Kaba limiou u Jiu, u katuun tego kamia nonei tara Nipepeito teka, e Sunahan e tsuga mera noi limiou ielesala turu kuhil. Tena tabe hohomi moua limiou bate kutu hakarkarangake mou a liho milimiou.”

U Bulungana u Niga tere Iesu Kristo te kolotein e Luk 13:28

Alimiou e tare mou romana e Abraham ne Aisak na e Jekop na u propet hoboto te ka ria romana tara Nipepeito tere Sunahan, kaba limiou e lapo ba raria romana ielesala. Ba limiou te tabe hohomi koru miou romana bate kutu hangilngilike miou a liho milimiou.

U Bulungana u Niga tere Iesu Kristo te kolotein e Jon 15:6

A katuun tema ka gono menei lia e ba nariou. Nonei e here nei a hikalanin ruei te langona. A man hikalan teka e gono raier bate lapo raria turu tula bate haats raier.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

2 Pita 2:17

U katuun teka e hererari a man kioun ramun ti rakaraka hakapa, na e here haseri u köasi te hula bahu nena a lomolomo bate hula la pinopinona. Nori e la uaier romana tara makum a kuhil koru te ruruhana nitöana, ti kato hahaloso beraien.

U pas te kolotein e Jut 1:13

A lomolomo e kato haposeiena u tasi bate habutena u puei u korkoriana. Na e markato has uana iesana turu katuun teka tema antunan hamouseri a markato a korkoriana i taren. A tapisu e roron tiana turu kuhil i lehana. Te kato has uaier u tson hihatuts u gamogamo teka. Nori e la hamatskö uaier romana tara nihahuna tere Sunahan tema tatei kapa nei.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”