Matiu 25:1 - U Bulunagana U Niga

¹ Be Iesu e ranga lelna turu katunun tsitsilo i tanen me poeiena, “Pöata te butu nama romana u lan tego la pouts ma a Tsunono, ba Nipepeito tere Sunahan te here namei romana a maloto a tahol a kukubei ti lui a man lam i taren bate la siler tegina tara menaien a tson tego hitöl.

Matiu 25:1 ပူးပေါင်းရင်းမြစ်များ

Matiu 13:24

Be Iesu e ranga mera nei u katuun u taina u haharuei me poeiena, “A Nipepeito tere Sunahan ega herei a katuun te tsihasein a ngalin wit a niga tara kui i tanen.

Matiu 13:31

Be Iesu e hatei raneien u taina u haharuei me poeiena, “A Nipepeito tere Sunahan e here nei u ngalin mastet, te tetenei koruna. Ba katuun e lue nen bena tsihasa nanen tara kui i tanen. Ba tara pöata te pan ien, e pan bala koru lenin a man kaan leba hoboto, bate butu here nei u ruei. Ba u apena te la rima batemi katoeria a man suhana tara man kalan ruei i tanen. Na Nipepeito tere Sunahan e tania hatetenei hasina batena töan pan susuluna.”

Matiu 13:38

Na kui e here nei u han hoboto i puta. Na man ngal a man niga e here nei u katunura tara Nipepeito tere Sunahan. Na u pulung u omi e here nei u katuun tere Satan.

Matiu 13:47

E Iesu e ranga lel me poeiena, “Na Nipepeito tere Sunahan e here nei a abe te lapo naria i tasi bate soohena a mamana mar iena.

Matiu 20:1

Be Iesu e poeiena, “A Nipepeito tere Sunahan e here nei a katuun terena kuin grep te la bongbong silena tegona sake menaien ta katuun tegona kui ia tara kuin grep i tanen.

Matiu 25:7

Ba touhaliou u kukubei hoboto e taker be pilits sei hobotoner a man lam i taren.

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

Matiu 9:15

Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”

U Bulungana u Niga tere Iesu Kristo te kolotein e Jon 18:3

Be Judas e lu rena u soldia na u katunun taratarakap tara Luman Lotu Pan ti la ma turu pris pan na u Parasi, ba nonei e peigi mera neien tara makum te kaia e Iesu. Nori i la mei a man lam na u bito na mankaan hiatatung.

U Bulungana u Niga tere Iesu Kristo te kolotein e Jon 3:29

E Iesu e here nei a tsonun tölo na lia e heregi a tsonun hitaguhu i tanen. Pöata te hitöl mena a tson a tahol i tanen, ba tsonun hitaguhu te tuol hatalisina bate sasaala koruna te hengo mena neien u ranga tara tsonun tölo. Te markato uanen teka ba lia te sasaala koru hasigu.

Aposol 20:8

U lam u para e kulupuia tara rum iasa tu gonoia lam.

1 Korin 11:2

Alia e haniga ragou limiou, taraha alimiou e hakats kap namou lia tara mamanaka na limiou e kukutemiou u hihatuts hoboto tu hala railia limiou.

2 Korin 11:2

Alia e hakats hapara ragou limiou temar hakats has uana e Sunahan. Taraha, alimiou e heremi a tahol a kukubei, na lia u hopö kap merai limiou tego tölo mena milimiou a töa puku lahas a tson, nonei e Kristo. Alimiou u peiam nonei lasi a töa Tsunono te hamana uami limiou.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Revelesin 14:4

Nori a pal tson u gogoso tima opö gono mei ta tahol. Nori u katuun u masura ti kukute a Tunan Sipsip tara mamana makum te la uaien. E Sunahan e sakahis ba raien u katuun hoboto i puta, na nori a hun katuun tutuun te lu pouts merai e Sunahan i tanen na tara Tunan Sipsip.

Revelesin 19:7

Aragi sasaala koru bate soloseie ren. A pöatan hitöl tara Tunan Sipsip e butu hakapa, na tahol i tanen e lu hatolo hakapi a peisanen.

Revelesin 21:2

Ba lia e taregu a Taun a Göagono, a Jerusalem a tsimus, bate koul nama i Kolö te kana e Sunahan. Nonei e tara haniga here ii a tahol te hitöl mena a tson i tanen bate haseiena a man hasobö a man niga.

Revelesin 21:9

Ba töa angelo e la uanama i tar. Nonei a töa tara tohit a angelo ti ka mei a tohit a kap te saputi a tohit a nomi te kato homir u katuun. Ba nonei e poeiena i tar, “Lama, balia tena haröte goilö a Tahol tara Tunan Sipsip.”

Revelesin 4:5

U kanaha e butuma turu gumgum u göagono tere Sunahan, na u gururu na man tana manka e olongo hasima. Na u tohit u bito i kulupuia i matana u gumgum u göagono. Nori u tohit u namnamei tere Sunahan.

Revelesin 8:10

Ba hatopisana angelo e pihena a tuhil i tanen. Ba töa pitopito pan te kulupu hapan here ii u bito e rus nama i kolö me rus uana tara hatopisana pala turu ramun olo na tara man ramun te bututuna.