Matiu 21:33 - U Bulunagana U Niga

³³ Be Iesu e hihatuts lenina me poeiena, “Hengoiam turu tana u haharuei. A töa katuun te tuei a makumun tsiktsiki i tanen e lebei a kuin grep me kui hahise neien a ololo, me kahoena a kiou ti ron kato bulbuleia u grep. Ba nonei e kui leleiena a luman pepeito kap a pia nitöa tara kuin grep. Ba nonei e hataratara kap tuun ranei u palair u katuun a kuin grep teka me hakuin moni nanen, ba hapalana moni e la uana tara katuun terena kui. Ba nonei e la uana tara töa han i lehana.

Matiu 21:33 ပူးပေါင်းရင်းမြစ်များ

Matiu 13:18

Be Iesu e poeiena, “Hengo tala iam, u haharuei tara katuun te tsihasein a man ngal.

Matiu 20:1

Be Iesu e poeiena, “A Nipepeito tere Sunahan e here nei a katuun terena kuin grep te la bongbong silena tegona sake menaien ta katuun tegona kui ia tara kuin grep i tanen.

Matiu 21:28

Be Iesu e poeiena i taren, “Ime temar hakats uami limiou tara katuun te kamena a huol a pien tson? Nonei e la uana tara pien a hamua me poeiena, ‘A pien i tar, alö gona kui ia tara kuin grep i romana.’

U Bulungana u Niga tere Iesu Kristo te kolotein e Mak 13:34

“E kato uana romana tara katuun te la uana i lehana, ba nonei te hataratara kap ranei u katunun kukui puku i tanen a manka, bate hala raneien a man tötöa a man toukui i taren. Ba nonei te hateiena a katunun taratarakap tara tamana tego pepeitokap haniga menaien.

U Bulungana u Niga tere Iesu Kristo te kolotein e Luk 19:12

Ba nonei e poeiena, “A töa katuun pan e katsin la uu tara han i lehana tegina haking menaien me la pouts uanama i han.

U Bulungana u Niga tere Iesu Kristo te kolotein e Jon 15:1

Be Iesu e ranga lenina me poeiena, “Alia u ruein grep hamana, ne Tamar a katuun terena kuin grep.