Matiu 20:20 - U Bulunagana U Niga

²⁰ Be tsinar a galapien tson tere Sebedi e la uarima tere Iesu na huol a pien tson i tanen, be tsinaren e hatukunna i matana e Iesu, me rangata nena tega haniga mei e Iesu u ngilngil i tanen.

Matiu 20:20 ပူးပေါင်းရင်းမြစ်များ

Matiu 10:2

Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.

Matiu 14:33

Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”

Matiu 15:25

Kaba a tahol e lama memi hatukunna i matanen me poeiena, “O Tsunono, taguhe moulia!”

Matiu 2:11

Ba nori e tasur iahana luma te kaia a pien na e tsinanen e Maria, mena hatukunur me hatsunono uar tara pien. Ba nori e kalater a man pora i taren me luer a manka a man niga me halerien a pien: a goul na u insens te haatser bate soka hamasi hanigan töana, na u uapi u soksoka.

Matiu 27:56

Na i gusuren e Maria Matalina na e Maria e tsinana ere Jemis mere Josep, ne tsinana a galapien tson tere Sebedi ere Jemis mere Jon.

Matiu 28:17

Ba nori e tareier e Iesu me hatsunone ren, kaba palai i tareien me hula hakatsir.

Matiu 4:21

Ba nonei e gamon la lenina me tarena u taina u mun toulana ere Jemis mere Jon, a galapien tere Sebedi. Nori i kaia tara tolaala i taren bate sugeier a man abe i taren, ba nonei e ngö ranen egi la gono meien.

Matiu 8:2

Ba töa katuun te kamei a toba e la nama memi hatukunna i matanen me poeiena, “O Tsunono, te ngil mialö, balö te tatei kato hagogose mumoulia.”

U Bulungana u Niga tere Iesu Kristo te kolotein e Mak 15:40

E ka has mei a touhaliou ti tara ma i lehana, ere Maria Matalina mere Salome ne Maria e tsinana e Jemis a tetenei ne Josep.