Matiu 19:27 - U Bulunagana U Niga

²⁷ Be Pita e poeiena tere Iesu, “Alam u laba nema a mamanaka me kukutie mumoulö. Ga lam e lue mou aha?”

Matiu 19:27 ပူးပေါင်းရင်းမြစ်များ

Matiu 19:26

Be Iesu e tara uana i taren me ranga palis ranen, “Turu katuun tuun ema antunari, kaba tere Sunahan a mamanaka e hahankana.”

Matiu 19:28

Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.

Matiu 9:9

A pöata te tataalaia e Iesu ba nonei e tareiena a töa katuun a solonen e Matiu bate gumna tara luman lulu takis. Be Iesu e poeiena i tanen, “Alö go kukutie mou lia.” Ba nonei e takeina me kukutienen.

U Bulungana u Niga tere Iesu Kristo te kolotein e Mak 10:28

Be Pita e poeiena i tanen, “Alam u laba nema a mamanaka hoboto i tamulam me kukutie mumoulö.”

U Bulungana u Niga tere Iesu Kristo te kolotein e Mak 2:14

Pöata te tataalaia e Iesu ba nonei e tarena a katuun a lulu takis, a solonen e Livai a pien tere Alpius, nonei e gum ia tara luman takis i tanen bate kuina. Be Iesu e poeiena i tanen, “Kukutie moulia.” Be Livai e takeina me la gono menen.

U Bulungana u Niga tere Iesu Kristo te kolotein e Luk 14:33

Na e markato has uana iesana i tamilimiou a man tötöa. Alö go tula ban a mamanaka te ka memölö. Te möa nen, alö ema antunan katunun tsitsilo uamoi i tar.”

U Bulungana u Niga tere Iesu Kristo te kolotein e Luk 15:29

Ba nonei e ranga palisena e tamanen me poeiena, ‘Alia u kui hatagala koruia i tamölö turu mamanu hiningal, na lia u mamala hipus nai u ranga i tamölö. Kaba lö u mamala hale ii lia ta töa ta tunan meme tego nou gono mei lia a man hikapien i tar.

U Bulungana u Niga tere Iesu Kristo te kolotein e Luk 18:28

Be Pita e poeiena, “Tara! Alam u laba nema a han i tamulam me kukutie mumoulö.”

U Bulungana u Niga tere Iesu Kristo te kolotein e Luk 5:11

Ba nori e hasung menari a man tolaala i taren i kotolana, me laba ner a mamanaka me kukutier e Iesu.

1 Korin 1:29

Te kato uanen teka e möa nou ta töa tego tatei soloseia a peisanen i matana e Sunahan.

1 Korin 4:7

Esi te haka sil rai limiou go pan naiam a tabi? E Sunahan te hala railimiou a manka hoboto te ka memi limiou. Na limiou goma ranga seseimi bate peimiou, tara nitagala i tamulam peisa ba lam te ka mem a manka te ka memu lam. E möa.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.