Matiu 17:20 - U Bulunagana U Niga

^20-21 Be Iesu e poeiena i taren, “Taraha, a tsi nihamana i tamilimiou e tetenei koruna. Na lia e hatei hamana koru ragou limiou, Sanena u nihamana i tamilimiou ega popoia tara ngalin mastet, alimiou e tatei peimiou turu pokus teka, ‘Takei ban a makum teka bate la uamula ili,’ ba nonei te takei hasina bate lana. Ba limiou te tatei katoe mou a mamanaka.”

Matiu 17:20 ပူးပေါင်းရင်းမြစ်များ

Matiu 13:31

Be Iesu e hatei raneien u taina u haharuei me poeiena, “A Nipepeito tere Sunahan e here nei u ngalin mastet, te tetenei koruna. Ba katuun e lue nen bena tsihasa nanen tara kui i tanen. Ba tara pöata te pan ien, e pan bala koru lenin a man kaan leba hoboto, bate butu here nei u ruei. Ba u apena te la rima batemi katoeria a man suhana tara man kalan ruei i tanen. Na Nipepeito tere Sunahan e tania hatetenei hasina batena töan pan susuluna.”

Matiu 14:29

Be Iesu e poeiena, “Lama!” Be Pita e koulna tara tolaala me tataala lala ioluna u ramun me lauana tere Iesu.

Matiu 17:17

Be Iesu e ranga palis ranen me poeiena, “Alimiou u katuun u hahamana koru na limiou ema matskömi! A lahisa pöata ti ka gono meraia lia limiou? Na lahisa pöata ti söateia lia u nikamits i tamilimiou? La mena mumei a pien i tar!”

Matiu 17:19

Ba u katunun tsitsilo e la uarima tere Iesu memi rangata momouse ren, “E hana ba lam tema antunan tsuga ba ramulei u liliahanei u omi?”

Matiu 17:9

Pöata ti koul puta men turu pokus be Iesu e ranga mera nen, “Alimiou ema tatei hatei moi ta töa ta katuun aha te tara muma limiou e antunana te takei pouts goa lia, Alia tu butun Katunuma, tara tou mate.”

Matiu 21:21

Be Iesu e poeiena i taren, “Alia e hatei hamana ragou limiou, Te hamana koru mia limiou batema hula torimi, alimiou e tatei markato uamiou te markato uagu la lia turu ruein fik teka, na limiou e tatei mar ranga has uamiou teka turu pokus, ‘Alö go takei balö te lapo ba namia a peisamölö i tasi,’ ba nonei temar kato has uanou te ranga uami limiou.

Matiu 8:26

Ba nonei e poeiena i taren, “U nihamana i tamilimiou e tetenei koruna! Aha te matout memilimiou?” Ba nonei e takeina me abis hatagalena a lomolomo ba ramun e selohona. Ba lomolomo e hanöana, ba ramun e maraha poutsuna.

U Bulungana u Niga tere Iesu Kristo te kolotein e Mak 11:22

Be Iesu e poeiena i taren, “Hamana mia tere Sunahan.

U Bulungana u Niga tere Iesu Kristo te kolotein e Mak 11:23

Alia e hatei hamana koru ragou limiou, tego rangaia lö turu pokus teka, ‘takei balö te la uam i tasi,’ ba ka teka te butu hamana benoulö. Kaba a ka teka e butu hamana menou tegoma hula hakats uai lö.

U Bulungana u Niga tere Iesu Kristo te kolotein e Mak 4:31

Nonei e here nei a ngalin mastet te tetenei koruna tara man ngal hoboto. Ba katuun te lue nen batena sapul nanen turu tsiktsiki.

U Bulungana u Niga tere Iesu Kristo te kolotein e Mak 9:23

Be Iesu e poeiena i tanen, “E hana balö te poeiem, ‘Tego antuna uu lö?’ A katuun te ka mena a nihamana e antunan kato nena a mamanaka.”

U Bulungana u Niga tere Iesu Kristo te kolotein e Luk 1:37

Taraha? E möa ta töa ta ka te goma antunan kato nai e Sunahan.”

U Bulungana u Niga tere Iesu Kristo te kolotein e Luk 17:6

Ba Tsunono e ranga palisina me poeiena, “A ngalin mastet e tetenei koruna, kaba e habutena a kaan leba te pan soköna. U nihamana e markato has uana iesana. Noahasina te tetenei koruna u nihamana i tamilimiou, alimiou e tatei ranga noa has mia turu ruei teka bate poeiemiou, ‘Alö go takalapama batena taleba pouts moua i tasi,’ ba nonei te kukute hase nou u ranga i tamilimiou!”

U Bulungana u Niga tere Iesu Kristo te kolotein e Luk 18:27

Be Iesu e ranga palisina, “A ka tema antunan kato nanei a katuun e Sunahan e antunan kato nanen.”

U Bulungana u Niga tere Iesu Kristo te kolotein e Jon 11:40

Be Iesu e poeiena i tanen, “Alia e hatei hakape gölo lö, te hamana mia lö i tar, balö te tare mou a nitagala pan tere Sunahan.”

1 Korin 12:9

Nonei noahas u Namnamei teka te halenei a tana katuun a nitagalana turu nihamana, na tabi e hala haseri a nitagalana tego kato haniga pouts menaien a katuun te ka mena a siki.

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

Hibru 3:19

Na ra e atei sil talera nori ima la mei tara hanin husa i tanen, taraha nori i hahamanein e Sunahan.