Matiu 14:6 - U Bulunagana U Niga

^6-7 Na turu lan ti hatöatongeia u lan ti poseia e Herot ba nori e katoeier a kannou pan na u hirata, ba pien tahol a kukubei tere Herodias e sanina i matar u katuun hoboto ti kaia tara kannou. Be Herot e haniga korueiena te sani uen, me ranga hamana koru menen turu ranga te mana uana iasa me poeiena, “Ta saha ta ka te ngile moa lö i tar, alia e hale goien lö!”

Matiu 14:6 ပူးပေါင်းရင်းမြစ်များ

Matiu 14:3

I mam nen e Herot e pile kapiin e Jon, be kitsenen bena hakenen tara karabus. Nonei e kato mei a ka teka a ngilina e Herodias a tahol tere Pilip, e toulanen.

U Bulungana u Niga tere Iesu Kristo te kolotein e Mak 6:14

E King Herot e hengoein a manka teka, taraha u han hoboto i habulunganein e Iesu. A palair u katuun i pei, “A katuun teka nonei e Jon te baptaisir u katuun, nonei e töatöa poutsuma, te ka sila menen a nitagala te kato meneien a man markato teka.”

U Bulungana u Niga tere Iesu Kristo te kolotein e Mak 6:17

A ka teka e butu silaia te tölo menai e Herot e Herodias a tahol tere toulanen e Pilip. Be Jon a tsonun baptais e ranga mena e Herot, “Ema matskö nei te tölo mena milö a hahagono i tamölö.” E Herot ema hanigei e Jon ba nonei e hangö nena e Jon ba u katuun i tanen ena pile kap naren mena hake rien tara karabus.

U Bulungana u Niga tere Iesu Kristo te kolotein e Mak 6:19

E Herodias e ngil hasi e Jon egi ngats hamati, kaba ema antuna ii taraha,

U Bulungana u Niga tere Iesu Kristo te kolotein e Mak 8:15

Be Iesu e ranga hatagalana i taren tegima hengo menaien u hihatuts u gamo turu katuun me poeiena, “Tarakap haniga noaiam bate hanei silemiou u is turu Parasi na e Herot.”

U Bulungana u Niga tere Iesu Kristo te kolotein e Luk 13:31

Nonei has tara pöata ba palair u Parasi e la rima me poeier tere Iesu, “Alö go la ban a han teka bate la uaiem tara tana han. Taraha? E Herot e ngilin atung hamate na noulö!”

U Bulungana u Niga tere Iesu Kristo te kolotein e Luk 23:11

Be Herot na u soldia i tanen e hahakos ner e Iesu me maman ranga naren. Ba nori e hasei rien u hasobön king me hala pouts mena rien tere Pailat.

U Bulungana u Niga tere Iesu Kristo te kolotein e Luk 23:7

Ba nori e hatanganar, be Pailat e töan hala mena nei e Iesu tere Herot te ka hasia i Jerusalem nonei tara pöata. Taraha? E Herot e tara kapiin a provins i Galili.

U Bulungana u Niga tere Iesu Kristo te kolotein e Luk 3:1

Turu hamaloto na u tolima u hiningal te gamman pania e Taibirius i Rom, nonei has a pöata te tanian hihatutsia e Jon. Be Pontias Pailat te gamman na i Judia, na e Herot i Galili, be toulanen e Pilip te tara kap nena a provins i Ituria na i Trekonaitis. Be Laisenias te tara kap nena i Abilin.

U Bulungana u Niga tere Iesu Kristo te kolotein e Luk 3:19

Be Jon e ranga silena e Herot a gamman. Taraha? E Herot e töli e Herodias, a tahol tere toulanen pouts. E Herot e kato hakapi a para a markato a omi.

U Bulungana u Niga tere Iesu Kristo te kolotein e Luk 8:3

Na e Joana, a tahol tere Kusa a töa tson pepeito tere Herot. Na e Susana, na palair a touhaliou has u parpara ti taguhi e Iesu na u katunun tsitsilo i tanen bate hala rarien a manka ti ngileien.

Aposol 12:1

Nonei tara pöata teka e King Herot e kato homir a palair u katuun tere Iesu.

Aposol 4:27

Na ka teka e butuia i Jerusalem. U mana koru, e Herot a King na e Pontias Pailat a gamman i gono hoboto mer a pal kapan i tamulam u Jiu na u katuun halhal. Nori i gono hobotoia tara taun teka tegi kato homi menaien e Iesu, nonei a katunun kui a Göagono i tamölö tu hopö kap mamin lö tego Mesaia.