Matiu 14:23 - U Bulunagana U Niga

²³ I murina te hala kalakala raien u katuun, ba nonei e la sei pepeisa uana turu pokus tena singo uaien. Ba pöata te lahima a ka, ba nonei e ka pepeisana turu pokus.

Matiu 14:23 ပူးပေါင်းရင်းမြစ်များ

Matiu 26:36

Be Iesu e la gono mera nen tara töa makum te ngöeri i Getsemani, ba nonei e poeiena i taren, “Gum mia teka balia te la uagu ili bate na singo gia tere Sunahan.”

Matiu 6:6

Kaba pöata te singo mia lö, alö go tasuia tara rum i tamölö bate hapiliem a tamana balö te singo mia tere Tamamölö tema tareri. Be Tamamölö te tarena a mamanaka te kato hamouse mölö, bate hale noilö u hamatana.

U Bulungana u Niga tere Iesu Kristo te kolotein e Mak 1:35

Tara lunlan be Iesu e takeina me la uana tara töa makum a ski, ba nonei ena singo uana tere Sunahan.

U Bulungana u Niga tere Iesu Kristo te kolotein e Mak 6:46

Pöata te hala hakapa raien u katuun ba nonei e kete uana turu pokus tegona singo uaien tere Sunahan.

U Bulungana u Niga tere Iesu Kristo te kolotein e Luk 3:21

I murina ti habaptaisia u katuun hoboto, be Iesu e habaptais hasina. Tara pöata te singoien, ba u Kolö e takalatana, ba u Namnamei u Göagono e hakulue nama a peisanen me koul uanama i tanen. Ba u töa u raranga e butu nama i Kolö me poeiena, “Alö a Pien Tson koru i tar. Alia e ngil korue goulö.”

U Bulungana u Niga tere Iesu Kristo te kolotein e Luk 5:16

Kaba tara man palaina man pöata nonei e la pepeisa uu tara makum a ski batena singona tere Sunahan.

U Bulungana u Niga tere Iesu Kristo te kolotein e Luk 6:12

Tara pöata teka e Iesu e la sei uu turu töa u pokus me singo uana tere Sunahan tara töa bong a ohots.

U Bulungana u Niga tere Iesu Kristo te kolotein e Luk 9:18

Tara töa pöata e Iesu e ka pepeisa me singo uana tere Sunahan, ba u katunun tsitsilo e la uarima i tanen. Ba nonei e rangata ranen, “U katuun e ngöe rilia esi?”

U Bulungana u Niga tere Iesu Kristo te kolotein e Luk 9:28

Turu töal u lan i murina te ranga naia e Iesu a manka teka, ba nonei e luena e Pita mere Jon ne Jemis me la sei uaier ieluna u pokus tina singouaien.

Aposol 6:4

Ba lam te kui nitöa moua tego singo u lam tere Sunahan na tego taguhu has merailam u katuun turu raranga tere Sunahan.”