Matiu 12:32 - U Bulunagana U Niga

³² A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”

Matiu 12:32 ပူးပေါင်းရင်းမြစ်များ

Matiu 11:19

Na lia tu butun Katunuma e nougu na e uagu. Kaba nori e poeier alia a katuun a nounou pala, na uaua pala. Na e kapiena has raiegu u katuun te lulueier a takis na u katuun u omi. Kaba a man markato turu katuun tere Sunahan e haröto nena te mana uana a niatei i tanen.”

Matiu 12:31

Na lia e hatei ragou limiou, e Sunahan e tatei luba nanou a mamana markato a man omi. Kaba esi te ranga homi nena u Namnamei tere Sunahan, e Sunahan ema tatei luba nanoi a markato a omi teka i tanen.

Matiu 12:8

Taraha, Alia tu butun Katunuma te pan bala has negu u Lan u Göagono.”

Matiu 13:22

“Na man ngal ti tsihasa naia tara kolits a hihitoka e here nei u katuun te hengoer u raranga, kaba nori e ka mer u hakhakats pan tara nitöatöana i puta, bate ngileier tegi lu menai ta moni ta parpara. Na manka teka e here nei e pil kakap nena u raranga tere Sunahan batema habute nei ta markato ta niga turu katuun teka.

Matiu 13:39

Na katuun a omi te tsihasein u pulung tara kui, nonei e Satan. Na pöata te gone ria a kannou a tangoho e here nei a kapakapana pöata turu han i puta. Na u katuun te goner a kannou a tangoho tara kui, nori u angelo.

Matiu 13:40

Na te gono menari u pulung bate haatse ria turu tula, nonei te kato uanen romana tara pöata te kapana romana a han.

Matiu 13:55

Nonei toum banei a pien tere Josep a kapenta na e tsinanen toum te ngöeri e Maria na u toulanen toum ere Jemis mere Josep na e Saimon na e Judas?

Matiu 8:20

Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”

U Bulungana u Niga tere Iesu Kristo te kolotein e Mak 3:28

“Alia e hatei hamana koru ragou limiou, e Sunahan e tatei luba nanou a man markato a man omi hoboto te katoeier u katuun, na man ranga man omi has te katoe ren.

U Bulungana u Niga tere Iesu Kristo te kolotein e Mak 3:29

Kaba esi te ranga homi nanou u Namnamei u Göagono tere Sunahan, e Sunahan ema antunan luba koru nanoi a markato a omi i tanen. Nonei e ka nitöa menou a markato a omi teka.” Nonei temar ranga uu e Iesu,

U Bulungana u Niga tere Iesu Kristo te kolotein e Luk 12:10

A katuun te ranga homi nanou lia, Alia tu butun Katunuma, e Sunahan e luba noa has nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema luba nanoui a markato a omi i tanen.

U Bulungana u Niga tere Iesu Kristo te kolotein e Luk 16:8

Ba tsunono tara tson pepeitokap e hengo nena a ka teka me ranga sesei koru nanen. ‘Nonei a tson pepeitokap a atein gamo koru.’ U katunura i romana e atein gamo koru rer u katuun, na tara markato teka nori e atei saluhe raier u katunura turu ualesala.”

U Bulungana u Niga tere Iesu Kristo te kolotein e Luk 23:34

Be Iesu e singo uana tere Sunahan me poeiena, “O Tamar, alö go luban a markato a omi i taren. Nori ema atei sileri a ka te katoe ren.” Ba u soldia e satu siler u hasobö i tanen, me molamola naren.

U Bulungana u Niga tere Iesu Kristo te kolotein e Luk 7:34

Na lia tu butun Katunuma e tatei nouegu a mamana kannou na e tatei ua hasegu uain. Ba limiou e pei miou, ‘Pua! Nonei a katuun a nonou pala na uaua pala! Na nonei e kapiena has rena u tson lulu takis na u palair u katuun u omi!’ Alimiou emar ranga uamiou teka.

U Bulungana u Niga tere Iesu Kristo te kolotein e Jon 7:12

Iahana u gonogono u katuun i hahasi sil hoboti e Iesu. A palai i taren i pei, “Nonei a katuun a niga,” ba palai te poeier, “E möa. Nonei e gamo rena u katuun.”

U Bulungana u Niga tere Iesu Kristo te kolotein e Jon 7:39

E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

U Bulungana u Niga tere Iesu Kristo te kolotein e Jon 7:52

Ba nori e rangate ren, “Alö a toun Galili has? Na taratara hanigei u Buku u Göagono balö te tara peisa mou, e möa ta propet ga butuma i Galili.” Ba u katuun e taker me la kalakalar.

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

Epesis 1:21

E Kristo e tsunono na tara makum teka bate pan saluhe nena a mamana mar tsunono na mamana mar nitagala. Na nonei e pan saluhe has nena a mamanaka hoboto te ka mena a solo pan, tara han i puta i romana na tara hanina i murimuri.

1 Timoti 1:13

Noahasina ti roron ranga hohomi sil menaien lia i manasa na tu kato hohomi menai lia u katuun i tanen. E Sunahan e taatagi naiou lia, taraha alia u hahamana naien batema atei silegi a ka ti kati lia.

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

1 Timoti 4:8

Te kato hatagale mia lö u tuenrei, e nigana. Kaba tego kato hagogoso mei lö u namnamei i tamölö te niga balana, taraha a markato teka e taguhe noulö tara nitöatöana i puta na tara nitöatöana i Kolö has.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.