Matiu 11:29 - U Bulunagana U Niga

²⁹ Lueiam a toukui i tar balia te hatuts ragou limiou, taraha alia e ron hala puteiegu a peisar na e tori tami has gia turu katuun hoboto. Ba limiou tena tatei husa mou batena sabe hase mou a nigumgum a niga te ka nitöana.

Matiu 11:29 ပူးပေါင်းရင်းမြစ်များ

Matiu 17:5

Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”

Matiu 21:5

“Hatei raiam u katunur i Saion, ‘Taraiam a King i tamilimiou e la hamanasa uanama i tamilimiou. Nonei e kato here nanei a peisanen a katuun papala koru bate osana tara tunan rongki a hitots.’”

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

Matiu 7:24

Be Iesu e ranga lenina me poeiena, “A katuun te hengoena u raranga i tar, bate kukutie nen e here nei a katuun a atei te hatakeia a luma i tanen ieluna u lapo.

U Bulungana u Niga tere Iesu Kristo te kolotein e Luk 8:35

Ba u katuun e mi tarer a ka te butu. Ba nori e la uarima tere Iesu me tarer a katuun ti lakasa ban u liliahanei u omi. Nonei e gum ia i puta i rehina e Iesu bate haseiena u hasobö, ba u hakats i tanen e niga poutsuna. Ba nori e matoutur.

U Bulungana u Niga tere Iesu Kristo te kolotein e Jon 13:15

Taraha! Alia e kato megu lei a ka teka tegona markato has uamou limiou iesana.

U Bulungana u Niga tere Iesu Kristo te kolotein e Jon 13:17

Te atei silemia limiou a ka teka, alimiou e kalala rariou tego kukute nenamen limiou.

Aposol 7:37

Nonei e Mosis te hateir u katunura i Israel me poeiena, ‘E Sunahan e hatuolenou a töa propet turu katuun i tamilimiou i murimuri, kato has uanou temar hatuol menaien lia.’

1 Korin 9:21

Na pöata te ka gono mera gia lia u katuun tema Jiu ri, alia e kato has uagu te markato uaren. Alia e kato here nagi a peisar a katuun tema ongo neia tara Lo tere Mosis, bate peigi mera gien tara Tsunono. Alia ema poegi alia e ka gia ielesala tara Lo tere Sunahan. E möa. Alia e ka puta noahas gia tara Lo tere Kristo.

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 10:5

Alam e kato ba nem a mamanaka te hatu kap nena na te hipus nena tegi atei sil menai u katuun e Sunahan. Alam e palis hasem u hakhakats turu katuun te omi korur bate kukuteier u ranga tere Kristo.

Pilipai 2:5

Alimiou go ka has meiam u mar hakats te ka has meiena e Iesu Kristo:

1 Tesalonaika 4:2

Alimiou e atei silemiou u raranga tu hala railam alimiou, u raranga te hala has nema a Tsunono e Iesu i tamulam.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

1 Jon 2:6

Esi a katuun te poeiena nonei e ka gono mena e Sunahan, a katuun teka ega markato has uu te markato uu e Iesu.