Matiu 10:37 - U Bulunagana U Niga

³⁷ “A katuun te ngil koruena e tamanen na e tsinanen, batema ngile nei lia, nonei ema katuun hamana uanei i tar. Na katuun te ngil koruena a pien tson i tanen na pien tahol i tanen batema ngile nei lia, nonei ema katuun hamana uanei i tar.

Matiu 10:37 ပူးပေါင်းရင်းမြစ်များ

Matiu 22:37

Be Iesu e poeiena i tanen, “Alö go ngil korui a Tsunono i tamölö e Sunahan, balö te ngil memien a tui na u namnamei hoboto i tamölö na u hakhakats hoboto i tamölö!

Matiu 22:8

Ba nonei e ngö rena a palair u katunun kui i tanen me poeiena, ‘A kannoun hitöl i kato hakapi na e hahalosona, kaba u katuun ti ngö rela lia ema haniga nari tegi la uamen. Nori ema antunan la tala rimei.

U Bulungana u Niga tere Iesu Kristo te kolotein e Luk 20:35

Kaba pal tson na touhaliou te haniga rena e Sunahan te tatei takei poutsur romana tara pöata i murimuri, nori ema hitölri romana.

U Bulungana u Niga tere Iesu Kristo te kolotein e Luk 21:36

Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

U Bulungana u Niga tere Iesu Kristo te kolotein e Jon 5:23

Ba u katuun te tatei hapaner a Pien temar hapan has meraien e Tamaren. E si tema hapane nei a Pien ema hapan hase nei e Tamanen te tula namen.”

Revelesin 3:4

“Kaba palair a mats katuun i tamilimiou i Saadis ema kato homiri. Nori e la gono meriou romana lia na nori ena haseier romana u hasobö u hiaka u gogoso koru. Taraha, nori e roron kato hanigar.