U Bulungana u Niga tere Iesu Kristo te kolotein e Luk 6:49 - U Bulunagana U Niga

⁴⁹ Kaba a katuun te hengoena u raranga i tar batema kukutie neien e here nei a katuun te kuiena a luma turu tsiktsiki puku batema haka mamme nei tu simen. Ba pöata te la nama u uolo pan, batemi söatena a luma ba luma te tarura hakapa nitöana.”

U Bulungana u Niga tere Iesu Kristo te kolotein e Luk 6:49 ပူးပေါင်းရင်းမြစ်များ

Matiu 23:3

Na limiou go hengoeiam a mamanaka te ranga mera rien limiou. Kaba limiou goma kukutiemi a markato i taren, taraha nori pouts ema kukutieri a man lo te hake rien i tamilimiou.

Matiu 24:10

U katuun u parpara koru e hapolaser romana u nihamana i taren. Nori e hala mera roi a palai turu katuun te pakö raren batena hia o omi pouts hasir romana.

U Bulungana u Niga tere Iesu Kristo te kolotein e Mak 4:17

Kaba ema tasu hatsiruku bala nei ba pöata te butu nama a pöata a omi, u nihamana i taren tere Sunahan e taia ba ranen.

U Bulungana u Niga tere Iesu Kristo te kolotein e Luk 12:47

“A katunun kui te atei silena a toukui te ngilena a kapan i tanen batema hanei sile neien, na ema katoe nei a ka te ngilena a kapan i tanen, nonei te singata hapan koruier romana.

U Bulungana u Niga tere Iesu Kristo te kolotein e Luk 19:14

Kaba palair u katuun tara han i tanen i tori homi koru naien, ba nori e hakukutie lila u katunun sösöata ranga egina rangaia tara han te kaien, ‘Alam e rama nem a katuun teka ega king raiou lam.’ Kaba nonei ena butun king noa has.

U Bulungana u Niga tere Iesu Kristo te kolotein e Luk 19:27

Na nori u pakö i tar te rama ner tego king meraien lia, lu mera mumei teka bate atung hamate ramen i matar!’”

U Bulungana u Niga tere Iesu Kristo te kolotein e Luk 6:46

Be Iesu e poei hasena, “Taraha ba limiou te ngöe milia ‘O Tsunono, Tsunono,’ batema katoemi a manka ti hatei rai limiou?

U Bulungana u Niga tere Iesu Kristo te kolotein e Luk 6:48

Nonei e here nei a katuun te kaho uu iogana me hopöeiena u simen turu lapo me kuiena a luma ieluna u simen. Ba u uolo pan e la nama me mi torohanan söatena a luma. Kaba ema gaseien. Taraha? A luma i kui hanigei.

U Bulungana u Niga tere Iesu Kristo te kolotein e Luk 7:1

Pöata te ranga hakapa naia e Iesu a manka teka turu katuun, ba nonei e la uana tara taun i Kapenium.

U Bulungana u Niga tere Iesu Kristo te kolotein e Jon 15:2

Nonei e luba nena a man hikalanin grep i tar tema hua nei. A mamana hikalan te huana nonei e kato hagogoso sile neien tego hua hapara lel uen.

Aposol 20:29

Kaba alia e ateigu, te laba ragoua lia limiou ba u katunun hihatuts u omi te la rima romana i gusumilimiou batemi kato homi rariou limiou, bate here roi u muki u hie te kato homi raier u sipsip.

Aposol 26:11

Alia u hahuna hapara raien tara man luman lotu hoboto turu Jiu na u torohana hatagala sil tegi ranga uaien bate holis ner a manka ti hamanaien. Alia u raharaha homi koru raien me kute has meragien turu han i lehana tegona kato homi meraien lia.”

1 Tesalonaika 3:5

Ba tara markato teka, alam uma antunan hahaloso leli, ba lam e tula namula e Timoti egona sakesake te popo hamanasana u nihamana i tamilimiou. Alia u toku sil korui e Satan e namots kato homi ranou limiou ba toukui i tamulam te lala pukuna.

2 Pita 2:20

Kaba tego atei sileia a katuun e Iesu Kristo a Tsunono i tarara, te lu pouts raiou ra, bara te laba naiera a man markatona i puta. Ga te pilpiloto pouts roien tara markato a omi i taren, ba a nikaka turu katuun teka te omi bala koru lel tala nanou a nikaka taren i manasa.

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.