U Bulungana u Niga tere Iesu Kristo te kolotein e Luk 24:27 - U Bulunagana U Niga

²⁷ Be Iesu e hatarare raneien u mamana u raranga turu Buku u Göagono te hatei nanen, e taniama tara man buku te kolotein e Mosis batemi noana tara man raranga ti kolotein u propet hoboto.

U Bulungana u Niga tere Iesu Kristo te kolotein e Luk 24:27 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 4:34

Nonei e roron ranga tuun las meraien turu haharuei. Kaba te ka pepeisa gono meraia e Iesu u katunun tsitsilo i tanen, ba nonei te ranga hatarare mera neien a mamanaka hoboto.

U Bulungana u Niga tere Iesu Kristo te kolotein e Luk 24:25

Be Iesu e poeiena i taren, “Alimiou ema hakats hanigami. U hakhakats i tamilimiou ema hasese korunei tego hamana mena milimiou a mamanaka ti rangein u propet i manasa!

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

U Bulungana u Niga tere Iesu Kristo te kolotein e Jon 1:45

Be Pilip e na sabe leleiena e Nataniel me hateie nen, “Alam e sabie muma e Mesaia, a katuun te koloto bin e Mosis nu propet i manasa! Nonei e Iesu a toun Nasaret, a pien tere Josep.”

U Bulungana u Niga tere Iesu Kristo te kolotein e Jon 12:41

E Aisaia e mar ranga uu teka, taraha nonei e tara mami tega pan uu e Kristo me hatei nanen.

U Bulungana u Niga tere Iesu Kristo te kolotein e Jon 5:37

Na e Tamar has te hala na moulia, nonei e hatei nena te mana uana u raranga i tar. Alimiou uma mala hengoemi a rungnen na limiou uma mala tara hasemi a matanen.

U Bulungana u Niga tere Iesu Kristo te kolotein e Jon 5:39

Alimiou e röto nitöa namiou u Buku u Göagono, taraha alimiou e poeiemiou nonei te hala ranoui limiou a nitöatöa te ka nitöana. U Buku u Göagono e hatei noahas na nou lia.

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 3:18

Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka.

Aposol 3:22

E Mosis e pei, ‘E Sunahan a Tsunono i tamilimiou e habute nou romana a töa propet turu toulamilimiou i murimuri bate taguhu ranou limiou, kato has uana te markato has meien lia. Alimiou go hengoeiam a mamanaka te ranga mera neien limiou.

Aposol 3:24

“E Samuel na u palair u propet has ti butu hamurimurima i tanen, nori hoboto i rangein a pöata te kana i romana.

Aposol 7:37

Nonei e Mosis te hateir u katunura i Israel me poeiena, ‘E Sunahan e hatuolenou a töa propet turu katuun i tamilimiou i murimuri, kato has uanou temar hatuol menaien lia.’

Aposol 8:35

Be Pilip e tania na tara makumun raranga teka te kaia turu Buku u Göagono, me hatei nena u Bulungana u Niga tere Iesu.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”