U Bulungana u Niga tere Iesu Kristo te kolotein e Luk 21:23 - U Bulunagana U Niga

²³ A nitaatagi pan koru e butuna romana tara touhaliou u pika, na tara touhaliou te hihasusur romana nonei tara pöata. A pöata a omi koru e butuna romana tara han teka, ne Sunahan e raharaha koru rena romana u katuun teka.

U Bulungana u Niga tere Iesu Kristo te kolotein e Luk 21:23 ပူးပေါင်းရင်းမြစ်များ

Matiu 21:16

Ba nori e poeier tere Iesu, “Alö e hengoeiem a ka te ranga naren?” Be Iesu e poeiena i taren, “Alia e hengogu. Alimiou toum ima rit hanigemi u ranga teka, ‘A galapien u tetenei egi solosei a solo mölö.’”

Matiu 21:41

Ba pal kapan turu Jiu e poeier, “Nonei emi atung hamate ranou u katuun u omi teka, ba nonei te hataratara kap ranoui u katuun u niga a kuin grep teka, ba nori te hala hamatsköe roien a pala i tanen tara pöata tega tangohoien.”

Matiu 21:44

A katuun te rusuna romana tara hatu teka nonei e tupeko nitöa naiena romana. Kaba te konena romana a hatu teka ta katuun, ba nonei te kono bulbul here nanoien u köahu.”

Matiu 24:19

A nitaatagi pan koru e kana romana tara touhaliou te kamer romana u pika nonei tara pöata, na tara touhaliou te hihasusur romana!

U Bulungana u Niga tere Iesu Kristo te kolotein e Mak 13:17

Haromana koru tara touhaliou te pikar na tara touhaliou te hasus raier a galapien tara pöata teka.

U Bulungana u Niga tere Iesu Kristo te kolotein e Luk 19:27

Na nori u pakö i tar te rama ner tego king meraien lia, lu mera mumei teka bate atung hamate ramen i matar!’”

U Bulungana u Niga tere Iesu Kristo te kolotein e Luk 19:43

A pöata e la nama, ba u katuun te pakö rariou limiou temi ololo hahis rariou limiou ba nori temi hatukap rariou limiou romana tara mamana makum.

U Bulungana u Niga tere Iesu Kristo te kolotein e Luk 23:29

Taraha? A pöata e la nama te pei ria romana, ‘A touhaliou u kuba ti mamala pose ii ta pien na touhaliou tima hasuse ii ta pien, nori egi sasaala!’

1 Korin 7:26

Tara pöata a omi teka alia e poeiegu, alimiou go marka uaiam te mar ka uamilimiou.

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

Jemis 5:1

Hengoiam, alimiou u katunun moni. Alimiou go tabeiam bate ngalamiou, taraha a manka a man omi e butu noua i tamilimiou.

1 Pita 4:17

A pöata tega hatanian ona merai e Sunahan u katuun e butu hakapa, na nonei e ona mam ranou u katuun i tanen. Na te hatania nen romana i tarara, ga ime tena mar kapa uanoen romana turu katuun te hipus ner u Bulungana u Niga i tanen?