U Bulungana u Niga tere Iesu Kristo te kolotein e Luk 2:1 - U Bulunagana U Niga

¹ Tara pöata teka e Sisa Ogastas te gamman Pania i Rom. Nonei e hala nela u raranga tegi hakoloto menai u katuun hoboto a soloren turu buku tara gamman.

U Bulungana u Niga tere Iesu Kristo te kolotein e Luk 2:1 ပူးပေါင်းရင်းမြစ်များ

Matiu 22:17

Bora, alö go hatei ramou lam, ime temar hakats uemölö, e niga hasina tegi hol mei a takis tere Sisa a gamman pan, tsi e möa?”

Matiu 24:14

Ba u Bulungana u Niga teka tara Nipepeito tere Sunahan te hihatuts laneria romana tara mamana han i puta, ba man hun katuun hoboto te hengoe ren romana, ba i murinen ba kapakapana a pöata te töan butu nou.”

U Bulungana u Niga tere Iesu Kristo te kolotein e Mak 14:9

Alia e hatei hamana koru ragou limiou, tara mamana han hoboto i puta tena habulungana naroua u Bulungana u Niga, nori ena rarare riou a tahol teka bu katuun te hakats nariou a ka a niga teka te katoe lalen.”

U Bulungana u Niga tere Iesu Kristo te kolotein e Mak 16:15

Ba nonei e poeiena i taren, “La uaiam turu han hoboto i puta batena rarariemiou u Bulungana u Niga turu katuun hoboto.

U Bulungana u Niga tere Iesu Kristo te kolotein e Luk 2:3

Bu katuun e la uaier ti posa raia u tuburen tegina hakoloto uaien.

U Bulungana u Niga tere Iesu Kristo te kolotein e Luk 2:5

Nonei e la gono has mei e Maria, a tahol ti hopö kap beien tega töleien, tegina hakoloto menaien a soloren turu buku. Na u pika tere Maria e pan hakapa.

U Bulungana u Niga tere Iesu Kristo te kolotein e Luk 3:1

Turu hamaloto na u tolima u hiningal te gamman pania e Taibirius i Rom, nonei has a pöata te tanian hihatutsia e Jon. Be Pontias Pailat te gamman na i Judia, na e Herot i Galili, be toulanen e Pilip te tara kap nena a provins i Ituria na i Trekonaitis. Be Laisenias te tara kap nena i Abilin.

Aposol 11:28

A töa i taren, a solonen e Agabas, e tuol ia turu hagum, ba tara nitagala turu Namnamei u Göagono ba nonei e hatei nena a bes pan e butu noa tara mamana han hoboto i puta. A bes pan teka e butu hamanaia tara pöata te gamman pan ia e Klodias.

Aposol 25:11

Te ka megia lia ta ka ta omi, tsi tu katoeia lia ta töa ta ka te antunana tego mate mei lia, alia ema tatei bus ba nagi a nihahuna teka. Kaba e möa tega mana uu a man ranga te kout merien lia, na e möa has ta töa ta katuun tega hala menai lia i taren. Alia e hasoso silegu u kout pan tere Sisa!”

Aposol 25:21

Kaba e Pol e ranga hatagala sil tega ka noa uaien tara karabus antunana tara pöata te la nen romana turu kout peisa tara gamman pan e Sisa. Balia e poeiegu egi tara kap noani e antunana tara pöata te hala nagien romana lia tere Sisa.” E Pestus te mar ranga uu teka.

U pas te koloto menai e Pol turu kristenira i Rom 1:8

Alia e hatei mam ragou limiou alia e haniga uagu tere Sunahan, te singo uagu lia i tanen tara solona e Iesu Kristo. Alia e hakats ragou limiou bate haniga uagu tere Sunahan, taraha u katuun hoboto e hengo ner te hamana uami limiou.

Pilipai 4:22

U katuun tere Sunahan te kui ria tara luma pan tere Sisa a gamman pan e hala neruma u hanhaniga i tamilimiou, na u katuun hoboto tere Sunahan teka e hala has nariou u rangan haniga i taren i tamilimiou.