U Bulungana u Niga tere Iesu Kristo te kolotein e Luk 18:43 - U Bulunagana U Niga

⁴³ Ba nonei tara tsi pöata puku has teka ba nonei e tara poutsuna, me kukutiena e Iesu me haniga uana tere Sunahan. Ba pöata ti tareia u katuun a ka teka, ba nori e soloseier e Sunahan.

U Bulungana u Niga tere Iesu Kristo te kolotein e Luk 18:43 ပူးပေါင်းရင်းမြစ်များ

Matiu 11:5

U katuun u kiou e tara poutsur, na u katuun u mou omi e tataala poutsur, nu katuun u toba e gogoso poutsur, na u talinga tupu e hengo poutsur, nu katuun ti mate e töatöa poutsur. Na u Bulungana u Niga e lauama turu katuun papala.

Matiu 21:14

Ba u katuun u matakiou na u mou omi e la uarima i tanen iahana a Luman Lotu Pan ba nonei e kato haniga pouts ranen.

Matiu 9:8

Pöata ti tareia u katuun u parpara koru a ka teka ba nori e matout korur. Taraha nori i tari te hala menai e Sunahan a mar nitagala teka tara katuun, ba nori e töan soloseier e Sunahan.

U Bulungana u Niga tere Iesu Kristo te kolotein e Luk 13:17

U ranga palis i tanen e hamatsingoler u pakö hoboto i tanen. Ba u katuun hoboto e sasaala mer a mamanaka a niga te katoeien.

U Bulungana u Niga tere Iesu Kristo te kolotein e Luk 19:37

Ba pöata te tukuien tara maroro te la puta uu turu Pokus tara Ruein Olip te kaia i rehina i Jerusalem, ba u katuun u parpara koru i tanen e tanian köma hapan uaier tere Sunahan me solosei merien a man mirakol ti tareien.

U Bulungana u Niga tere Iesu Kristo te kolotein e Luk 4:39

Ba nonei ena tuolna i rehina inana i tanen, me abisena u hiski i peisana a tahol. Ba u hiski e laba nanen, ba nonei tara tsi pöata puku noahas teka ba tahol e takeina me hanou ranen.

U Bulungana u Niga tere Iesu Kristo te kolotein e Luk 5:26

Ba u katuun hoboto e asingoto korur me matout hakapar. Ba nori e soloseier e Sunahan me poeier, “Ara e tare lila a manka man kapan koru i romana!”

U Bulungana u Niga tere Iesu Kristo te kolotein e Luk 9:43

Ba u katuun e asingoto hoboto koru ner a nitagala pan tere Sunahan. U katuun i hakats hapara noan a mamanaka te kati e Iesu.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Aposol 4:21

Ba pal kapan e ranga hatagala lel mera ren me töan hapurese raren. Nori ima sabe ii ta markato tegi mar hahuna sila meraien, taraha u katuun hoboto i ranga me soloseier e Sunahan tara ka te butu.

Galesia 1:24

Ba nori e solosei sila naria e Sunahan, tara manka te butuia i tar.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.