Kolosi 4:11 - U Bulunagana U Niga

¹¹ Na e Iesu te ngöeri e Jastus e hala has nena u hanhaniga i tanen i tamilimiou. Nori puku a topisa a Jiu te hamana uar tere Kristo te kui gono meriou lia teka tara Nipepeito tere Sunahan. Na nori i taguhe ioulia me kato hagigaher a torir.

Kolosi 4:11 ပူးပေါင်းရင်းမြစ်များ

Aposol 10:45

U Jiu ti la gono mema e Pita u katunun tsitsilo tere Iesu i asingoto koru, taraha e Sunahan e hala nema u Namnamei u Göagono i tanen turu katuun has tema Jiu ri.

Aposol 11:2

Ba tara pöata te la poutsia e Pita i Jerusalem, ba u kristen tara pala turu Jiu e raharahe ren.

U pas te koloto menai e Pol turu kristenira i Rom 16:3

Alia e haniga uagu tere Priska na tson i tanen e Akuila. Nori na lia, alam u kui hoboto uu tere Iesu Kristo.

U pas te koloto menai e Pol turu kristenira i Rom 4:12

E Abraham has e tubur u Jiu ti hapön a hatöatongo tere Sunahan bate kukute haser a markatona turu nihamana i tanen, te ka meien i mamuna te hapö naien a hatöatongo tere Sunahan.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Epesis 2:11

Alimiou u katuun halhal ima posa gono merai lam u Jiu, na limiou e atei silemiou alam e ngö rami limiou u katuun tema ka memi a hatöatongo tere Sunahan i pikpikö milimiou, taraha alam e roron hapö nem a hatöatongo tere Sunahan kaba limiou u möa.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

Kolosi 4:7

E Tikikus e toularara ena hatei ranoui limiou aha te katoe gulia. Nonei a katuun hamana te kui gono mera noulam tara Tsunono.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

1 Tesalonaika 3:7

Pöata tu hengo nai lam u ranga teka, ba torimulam e nigana me sasaala poutsuna. Alam u tori tiama koru mei a kamits te lue mulam turu katuun te hahamanar, kaba lam e sasaala pouts talam te hengo mena milam te hamana noa uami limiou tara Tsunono.

Taitus 1:10

Alia e hatei gilö a man raranga teka, taraha, u katuun u parpara koru te hipusur na te gamogamor. Na u Jiu, nori koru u katuun ti roron tagala korumei u hapö, ti ranga bate poeier nori koru te pala uaier tere Kristo, bate gamo rari u katuun u hihatuts u gamo.

Pilimon 1:1

Alia e Pol, alia e karabus silegu tu kui menai lia a toukui tere Iesu Kristo. Alam mere Timoti, e toularara e koloto menami u pas teka i tamölö. O Pilimon, alö a hahikapien i tamulam tu kui gono meraioulam.

Pilimon 1:24

Na palair u katuun te kui gono mere gulia ere Mak mere Aristakus na e Demas na e Luk e hala has neruma u rangan haniga i tamölö.