Kolosi 3:16 - U Bulunagana U Niga

¹⁶ U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

Kolosi 3:16 ပူးပေါင်းရင်းမြစ်များ

Matiu 26:30

Ba i murina pöata ti kömeien u köman lotu, ba nori e la uar turu Pokus tara Ruein Olip.

U Bulungana u Niga tere Iesu Kristo te kolotein e Luk 2:51

Be Iesu e la gono pouts mera nen i Nasaret me kukute hanigeiena u raranga i taren. E tsinanen e haka nitöa neia a manka teka i torinen.

U Bulungana u Niga tere Iesu Kristo te kolotein e Jon 15:7

Te ka gono memia limiou alia na te hengo hanige mia limiou u ranga i tar, rangata naiam ta ka te ngile milimiou ba limiou te lue moien.

U pas te koloto menai e Pol turu kristenira i Rom 10:17

U nihamana e la nama tara ka te hengoe rara, na ka te hengoe rara nonei u raranga tere Kristo. Ara e hengoera u ranga, bara te töan hamanara.

U pas te koloto menai e Pol turu kristenira i Rom 15:14

A matsi hahatoulana, alia e hamanegu alimiou u katuun u niga koru ba limiou te ka memiou a niatei te antunan hatuts pouts memi limiou a peisamiou.

1 Korin 14:15

Gaha te kato tale gou lia? Alia e singo gia turu namnamei i tar, na lia e singo has gia turu hakats i tar. Alia e köma gia turu namnamei i tar, na lia e köma has gia turu hakats i tar.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

Epesis 1:17

Alia e singosingo uagu tere Sunahan e Tamana e Iesu Kristo a Tsunono i tarara, e Tamanen te ka mena a nitsunono pan. Alia e singo silegu tego hala meraien limiou ta niatei na tego haröto menaien a peisanen i tamilimiou, ba limiou te atei sile mou e Sunahan.

Epesis 5:17

Alimiou goma kato here rami u katuun u tutu, kaba limiou go torohanan atei sileiam a ka te ngilena e Sunahan.

Epesis 5:19

Na pöata te ka hoboto mia limiou ba limiou te kömemiou u sam na u köman lotu na u köma te köma ria turu namnamei. Ba limiou te köma memi u köman lotu tara Tsunono bate köma memien u nihamana i torimilimiou bate soloseie men.

Epesis 5:26

Nonei e mate sil tega baptais meraien a hun katuun i tanen, me kato hagogoso mera neien u raranga tere Sunahan, be kato hagöagono has ranen.

Kolosi 1:28

Alam e hatei lanem e Kristo turu katuun hoboto. Alam e torohanan hihatuts nem a mamana niatei te halani e Sunahan. Taraha, alam e ngilem a man tötöa man katuun hoboto egi herei a katuun a tangoho te kukute hanigan töa merien e Kristo.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

Kolosi 4:6

Turu mamana u raranga i tamilimiou, alimiou go ranga hatami iam bate ranga namiou u raranga u niga koru, ba limiou te atein ranga palis haniga mia turu katuun hoboto.

1 Tesalonaika 1:8

U bulungana tara Tsunono te butu mam ia i tamilimiou me tasata uana i Masedonia na i Gris na turu han i lehana. Alam ema antunan ranga lel nami ta ka, taraha u katuun turu han hoboto i hengo hakapein u nihamana i tamilimiou tere Sunahan.

1 Tesalonaika 4:18

E kato uana teka, ba limiou te hatei rami a palai u raranga teka bate hatagala ramen.

2 Tesalonaika 3:15

Kaba limiou goma kato here namien u pakö i tamilimiou. E möa. Alimiou go hale mien u raranga u tagala, taraha nonei a hahatoulana i tamilimiou.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

2 Timoti 3:15

Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.

Taitus 3:6

E Sunahan, e hala hapara koru sila nama u Namnamei u Göagono tere Iesu Kristo, nonei te lu pouts raioura,

Jemis 1:5

Te möa na ta töa i tamilimiou tu hakhakats tu niga, nonei ego singo nitöa uu tere Sunahan be Sunahan te hale nen. Taraha, e Sunahan e tangana koru rena u katuun hoboto na ema lohale noi ta katuun te singo uana i tanen.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

Jemis 5:13

Tega butuia a ka a omi tsi a pöata a omi tara töa i tamilimiou, nonei ega singo uu tere Sunahan. A katuun te sasaalana e tatei soloseiena a Tsunono bate kömana.

1 Jon 2:14

Alia e koloto uagu i tamilimiou, a matsi galapien, taraha alimiou e atei silemiou e Tamarara. Na lia e koloto has uagu i tamilimiou, a pal kapan, taraha alimiou e atei silemiou e Iesu e kaia i mam te habuteia e Sunahan u kolö na u puta. Na lia e koloto has uagu i tamilimiou, a pal hitots, taraha alimiou e tagala miou na limiou e pile hakarapoto namiou u raranga tere Sunahan i torimilimiou, na limiou u la salsaluhe hakapeiam e Satan.

1 Jon 2:24

Alimiou go pile hakarapoto naiam u raranga tu hengo mam naiam limiou. Na te ka noana u raranga tu hengo mam naiam limiou i torimilimiou, ba limiou te ka gono nitöa memou a Pien Tson tere Sunahan, na e Sunahan e Tamarara.

1 Jon 2:27

Kaba u Namnamei u Göagono ti lu mameiam limiou tere Kristo, nonei e ka gono mera noulimiou. Na limiou goma tokumi te möa uana ta tson hihatuts i tamilimiou. Taraha, u Namnamei tere Sunahan e hatuts ranei limiou a mamanaka. Na manka te hihatuts nanen e manana. E möa tego gamouaien. Na limiou ego ka nitöa mia tere Kristo temar ranga uu Namnamei tere Sunahan.

Revelesin 14:3

Ba nori e tuol ria i matana e Sunahan te gum nen turu gumgum u göagono, i matana a tohats a ka a töatöa, na i matana a pal tsunono. Ba nori e kömeier u töa u hets u tsimus tema tatei hetseri a palair u katuun. Nori u 144,000 tara katuun teka te sakahis ba ra ii e Sunahan a han i puta, nori peisa te tatei hetseier u hets teka.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.