Kolosi 3:13 - U Bulunagana U Niga

¹³ Alimiou goma hakats sil balemi a manka man omi tara katuun. Te kato homiria u katuun i tamilimiou, solopali. Alimiou go tara pouts raiam u katuun te kato homiria i tamilimiou, temar tara pouts has merai limiou e Sunahan ti kato homi has uaiam limiou i tanen.

Kolosi 3:13 ပူးပေါင်းရင်းမြစ်များ

Matiu 5:44

Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.

Matiu 6:12

Alö go hapolasema u kato homi i tamulam te hapolasa has menamilam u kato homi ti katoeia u katuun i tamulam.

U Bulungana u Niga tere Iesu Kristo te kolotein e Mak 11:25

Pöata te tuol mialö bate singom, solopali a raharaha i tamölö tara tana katuun be Sunahan e Tamarara iasa koru te solopala hase nou a man markato a man omi i tamilimiou.

U Bulungana u Niga tere Iesu Kristo te kolotein e Luk 11:4

Balö te hapolasa bera mi lam a man markato a man omi i tamulam te hapolasa has mena mi lam a man markato a man omi ti katoeia u katuun i tamulam. Na lö goma hala merai lam tara pöata turu hiamus.’”

U Bulungana u Niga tere Iesu Kristo te kolotein e Luk 23:34

Be Iesu e singo uana tere Sunahan me poeiena, “O Tamar, alö go luban a markato a omi i taren. Nori ema atei sileri a ka te katoe ren.” Ba u soldia e satu siler u hasobö i tanen, me molamola naren.

U pas te koloto menai e Pol turu kristenira i Rom 15:7

Hianiganigaiam, temar haniga has merai e Kristo alimiou, ba markato teka te soloseie nou e Sunahan.

2 Korin 2:10

Te solopale mia limiou a markato a omi tara töa katuun, alia has e solopale gen, u mana koru a ka te solopale gula lia tegi solopali, alia e kato beragien limiou i matana e Kristo.

2 Korin 6:6

Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

Galesia 6:2

Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

Epesis 4:2

Alimiou go hatetenei iam a peisa milimiou tara mamana pöata na limiou go ranga hatami hasiam bate niga mia tara tana katuun. Alimiou go hiangilngil iam batema hakats sil balemi a manka man omi tara tana katuun.

Epesis 4:32

Alimiou go hiakaka hanigaiam ba limiou te hiataatagi miou. Alimiou go solopaleiam a markato a omi tara taina katuun bate tara poutse men, temar luba has menai e Sunahan a man markato a man omi i tamilimiou tara solona e Kristo.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

Jemis 2:13

E Sunahan ema antunan taatagi nanoi a katuun tema taatagi nanei a tana katuun. Kaba te taatagi namia limiou a tana katuun i romana, be Sunahan te taatagi has ranou limiou romana tara pöata te butuna u kout i tanen.

1 Pita 2:21

E Sunahan e ngö hakapa raiou limiou tego kato mena milimiou a markato teka. Taraha, e Kristo has e kamits hakapa sil raiou limiou, na ka teka e haharuei nena tego kukute has mena mi limiou a maroro teka.