Kolosi 2:19 - U Bulunagana U Niga

¹⁹ Nori e ka halhal baner e Kristo. Nonei u baku te hakuiena u tuenrei, te haharuei nena a hun katuun i tanen. Aragi ka hoboto talasi bate hiatagtaguhu nera tegi hamana hatagala uu ra tara pöata te haka pute ria ra a peisarara tere Kristo. Aragi mar niga susul uu te ngil uana e Sunahan.

Kolosi 2:19 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 5:38

U uain u tsimus tegi kis naia turu pikpikö u tsimus.

U Bulungana u Niga tere Iesu Kristo te kolotein e Jon 17:21

Ba nori te hereri a töa katuun. Na lö, O Tamar, e ka mia i tar na lia e ka gia i tamölö, Nori egi ka mei u töa u tori, te kato has uara ra, ba u katunura i puta te tatei atei sil haser tu hala mena mei lö alia.

Aposol 4:32

A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

U pas te koloto menai e Pol turu kristenira i Rom 11:17

U Jiu e hereri u ruein olip u niga, na limiou u katuun tema Jiu mi e heremi u ruein olip u hie. E Sunahan e peko ban a palaina a kala turu ruei u niga, ba nonei e hasopena a man kala turu ruei u hie tara makum i taren. Na limiou u katuun tema Jiu mi e luemiou a manka man niga turu Jiura i manasa.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

1 Korin 11:3

Kaba alia e ngilegu alimiou go atei sileiam a tson e pan nena a tahol i tanen, na e Kristo e pan rena a pal tson, na e Sunahan e pan nena e Kristo.

1 Korin 3:6

Alia u lebi a kannou be Apolos tena haramun ranen. Kaba e Sunahan lasi a töa te katoeiena a kannou bate pusuku hanigana.

Epesis 1:22

E Sunahan e hakeia a mamanaka hoboto i limana e Kristo, bate katoe neien a tsunono pan turu katuun hoboto i tanen, u katuun te hamana uar i tanen.

Epesis 1:23

U katuun tere Kristo e hereri a tuenrei nen na nonei e here nei u baku. Nori e ha onote ren, na nonei has e ha onoto hasena a mamanaka tara mamana makum.

Epesis 2:21

E Sunahan e gono hoboto meranei u katuun i tanen tere Kristo, na ra e here rei a luman lotu a göagono te hatakei bera ii ra e Sunahan.

Epesis 4:3

Alimiou go torohana hatagala iam tego pile kap hoboto mena milimiou u töa u hakats te hala nema u Namnamei tere Sunahan, ba limiou te ka haniga hobotomiou.

Epesis 5:29

E möa ta katuun tega tatei rama poutsin a peisa nen. E möa. Nonei e hanoue nen bate tara kap haniga koru has nanen, te kato has uana e Kristo. Nonei e tara kap haniga koru has rena a hun katuun i tanen.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Kolosi 1:18

U katuun i tanen e hereri u tuenrei i tanen, ba nonei te here nei u baku. Nonei a tantania tara mamanaka, na nonei has te takei mamia tara tou mate, na nonei pouts has te mammamna tara mamanaka hoboto.

Kolosi 2:2

Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

1 Tesalonaika 4:10

Na lam e atei silem alimiou e ngil hamana ramiou a man hahatoulana hoboto i tamilimiou te hamana uaier tere Kristo te ka ria tara mamana han i Masedonia. Kaba lam e hatei noahas ramou limiou a matsi hahatoulana i tamulam, alimiou go hiangilngil pouts noahasiam, ba u ngil teka te pan susul nou.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita