Kolosi 2:15 - U Bulunagana U Niga

¹⁵ E Sunahan e luban a nitagala turu liliahanei u omi ra i kolö. Nonei e hamatsingolo raien i matar u katuun tara nitagala tere Kristo te tagala saluhena.

Kolosi 2:15 ပူးပေါင်းရင်းမြစ်များ

Matiu 12:29

“Tega ngilin tasuia ta töa ta katuun i luma tara katuun a tagala, nonei ega kits kap mam bin a katuun a tagala. Ba nonei te töan tasuna bate luena a manka i tanen.

U Bulungana u Niga tere Iesu Kristo te kolotein e Luk 10:18

Be Iesu e ranga palis ranen, “Aa, alia u tari e Satan e rus here mei u kanaha i Kolö.

U Bulungana u Niga tere Iesu Kristo te kolotein e Luk 11:22

Kaba tega butuia ta katuun ta tagala bala koru bate atunge nen tega tagala saluhe naien, ba nonei te söata hakape iena a man kaan hiatatung te kahete kap meien a peisanen. Na mamanaka hoboto te söateien, nonei e molamola naien tara palair u katuun.

U Bulungana u Niga tere Iesu Kristo te kolotein e Jon 16:11

Na e Sunahan e ona ranou u katunura i puta, taraha nonei e hopö kap hakapein a nihahuna tara katuun te panna tara han i puta teka, nonei e Satan.

U Bulungana u Niga tere Iesu Kristo te kolotein e Jon 19:30

Be Iesu e ousena u uain me poeiena, “A toukui hoboto i tar e kapa talana.” Ba nonei e tötörokö putana me matena.

1 Korin 15:24

A kapakapana pöata e butu nou romana nonei tara pöata te hakape noa e Kristo a nikapan tara mamana tsunono hoboto na mamana nitagala hoboto, ba nonei te hala nanou a Nipepeito i tanen tere Tamanen e Sunahan.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

Epesis 3:10

Nonei e kato sile ii a ka teka tego haröto menaien a mamana mar niatei i tanen i romana. E haröto sila naien turu katuun i tanen ba u angelo na pal kapan tara han i Kolö te tatei tare ren.

Epesis 4:8

Na u Buku u Göagono e mar ranga uana teka: “Pöata te la uen iasa ba nonei e la gono merena u karabus, me hala nena a man nitagala turu katuun i tanen.”

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Kolosi 1:16

Taraha, e Sunahan e habutu sila naia a mamanaka i kolö na i puta tere Kristo. A manka te tare rara na manka tema tare rei ra na u tsunono na pal kapan na gamman na mamanaka te kamena a nitagala. E Sunahan e habutu sila naia a mamanaka hoboto tere Kristo na e habutu sil has beien e Kristo.

Hibru 2:14

A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.