Kolosi 1:28 - U Bulunagana U Niga

²⁸ Alam e hatei lanem e Kristo turu katuun hoboto. Alam e torohanan hihatuts nem a mamana niatei te halani e Sunahan. Taraha, alam e ngilem a man tötöa man katuun hoboto egi herei a katuun a tangoho te kukute hanigan töa merien e Kristo.

Kolosi 1:28 ပူးပေါင်းရင်းမြစ်များ

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

Matiu 3:7

Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!

Matiu 5:48

A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”

U Bulungana u Niga tere Iesu Kristo te kolotein e Mak 6:34

Pöata te koul banaia e Iesu a tolaala ba nonei e tara rena u katuun u parpara koru teka. Ba nonei e taatagi koru ranen, taraha nori i here ii u sipsip ti möa ta katunun taratarakap i taren. Ba nonei e tanian hatuts raneien a ka a parpara.

U Bulungana u Niga tere Iesu Kristo te kolotein e Luk 21:15

Taraha? Alia e hala ragi limiou romana a man raranga nu hakhakats u niga koru, ba u pakö i tamilimiou tema antunan tulaputa nari romana u raranga tego hala rilia limiou.

Aposol 10:36

Alimiou e atei silemiou u ranga te hala namen i tamulam u katunura i Israel. U raranga teka e habulungana nena a masalohana temi halan e Iesu, bate hakapa hasena u pakö turu katuun i tanen. Nonei a tsunono turu katuun hoboto.

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 13:38

“Na, a matsi hahatoulana, alia e habulungana ragi limiou, nonei a katuun teka e Iesu te luba sila nena e Sunahan a markato a omi i tamilimiou.

Aposol 17:18

Nonei e hiararanga gono has mer u tson hihatuts turu huol u mar hihatuts ti ngöe ii u Epikurian na u Stoik. Ba palai e poeier, “Aha nonei te ranga nena a katuun a borera teka?” Ba palai e poeier, “Nonei e ranga toum nena a tana got halhal.” Nori i mar ranga uu teka, taraha e Pol e hatei raien e Iesu me poeiena nonei e takei poutsia tara tou mate.

Aposol 17:3

Ba nonei e ranga hatarare nena u hihatuts turu Buku u Göagono be haröto nena e Kristo e lu hakapi a kamits na e takei pouts has ia tara tou mate i tanen. Ba nonei e poeiena, “E Iesu a katuun te ranga negu lia nonei a Mesaia, a katuun te hopö kapiin e Sunahan.”

Aposol 20:31

Na limiou go hanei haniga nitöa iam. Alimiou go hakats sileiam a ka teka: turu topisa u hiningal nitöa, tara bong na tara lan, alia uma hanöa ii tu hatuts merai limiou hoboto a man tötöa. Alia u hatuts merai limiou a nitaatagi pan.

Aposol 3:20

Te markato uamou limiou teka, ba Tsunono te habute nou a nitagala a tsimus i tamilimiou, ba nonei te hala pouts has mena namei romana e Iesu i tamilimiou, nonei e Mesaia te hopö kap mam beraien limiou.

Aposol 5:42

Na turu mamanu lan, tara Luman Lotu Pan na turu luma has turu katuun, nori i hahatei nitöani u Bulungana u Niga bate hihatuts ner e Iesu nonei e Mesaia, a katuun te hopö kapiin e Sunahan tega taguhir u katuun i tanen.

Aposol 8:35

Be Pilip e tania na tara makumun raranga teka te kaia turu Buku u Göagono, me hatei nena u Bulungana u Niga tere Iesu.

Aposol 8:5

E Pilip e la uu tara taun i Samaria me hatuts ranei u katuun i Samaria e Mesaia.

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

1 Korin 15:12

Tu hahatei menai lam e Kristo e takei poutsia tara tou mate, ga taraha ba palai i tamilimiou te poeier a katuun te matena ema antunan takei pouts nei?

1 Korin 2:15

A katuun te ka mena u Namnamei tere Sunahan e antunan sabiena a mouna a mamanaka, kaba tana mar katuun ema antunan atei haniga sile neien.

1 Korin 2:6

Alia e ranga noa has megu a niatei turu katuun te atei siler a markato tere Sunahan. Kaba ema niatei uanei tara han i puta teka tsi tara pal kapanira i puta te taia riou romana. E möa.

1 Korin 4:14

Alia ema mar koloto uagi teka tego hamatsingolo merai limiou. E möa. Alia e mar ranga uagu teka tego hatuts merai limiou, a matsomi i tar.

2 Korin 10:14

Alimiou e ka mia iahana toukui na nipepeito te hala railam e Sunahan na lam uma arohe ii a nipepeito teka tara pöata tu rangaia lam i tamilimiou. E möa. Alam koru tu la tutuun sokö mema u Bulungana u Niga tere Kristo i tamilimiou.

2 Korin 11:2

Alia e hakats hapara ragou limiou temar hakats has uana e Sunahan. Taraha, alimiou e heremi a tahol a kukubei, na lia u hopö kap merai limiou tego tölo mena milimiou a töa puku lahas a tson, nonei e Kristo. Alimiou u peiam nonei lasi a töa Tsunono te hamana uami limiou.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Epesis 5:27

Nonei e kato mei a ka teka tego lu mera meien a hun katuun i peisanen bate taratara haniga nitöana. A hun katuun tere Kristo alimiou goma ka memi ta ka tega omia i matana e Kristo. Na nonei e ngilena a hun katuun i tanen egi hagöagoni a peisa ren bate ka haniga nitöar.

Kolosi 1:22

Kaba i romana nonei e nolo pouts sila rena limiou tara tou mate tere Iesu Kristo, ba limiou te matskö miou bate gogoso miou, bate moana ta ka ta omi tegi kout merai limiou.

Kolosi 2:3

A mamanaka a niga na niatei na nigumgum a niga e ka hanigan töana i tanen.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

1 Tesalonaika 4:6

Alimiou goma kato homi uami teka bate kato homie miou a tana katuun. E möa. Alam u hatei hakapa railimiou, a Tsunono e hahuna rena romana u katuun te markato uar teka.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Timoti 3:2

A katunun pepeito kap turu lotu ema tatei ka menei ta ka ta omi i tanen. Nonei ga ka mei a töa puku a tahol. Na nonei ga hakats haniga bate hala puteiena u ngil i peisanen bate kato hamatsköna. Nonei ga tara sil a taina katuun bate ngö menaneien i luma i tanen. Na nonei ga atein hihatuts has.

Hibru 10:14

Turu töa puku u haats, nonei e kato haniga nitöar u katuun te kato raien u katuun u matskö tere Sunahan tara markato i taren i puta.

2 Pita 3:15

Alimiou go atei sileiam a Tsunono e hahalosena tegi habirits uu katuun i tanen, ba nonei te lupouts ranen. Nonei e hale ii e toularara e Pol u hakhakats u niga ba nonei e mar koloto has ualala iesana i tamilimiou, te markato uanen tara man pas hoboto i tanen. Palaina a man raranga i tanen e ka mena a toukui pan tegi atei sil menaien, na u katuun u tutu na u katuun te hula hakatsir e hatuts hakölo ner a mouna a manka teka, te markato has mena rien a palaina u raranga turu Buku u Göagono. Ba nori te kato homi tsiponer a peisaren.