Kolosi 1:23 - U Bulunagana U Niga

²³ Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

Kolosi 1:23 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 16:15

Ba nonei e poeiena i taren, “La uaiam turu han hoboto i puta batena rarariemiou u Bulungana u Niga turu katuun hoboto.

U Bulungana u Niga tere Iesu Kristo te kolotein e Luk 22:32

Kaba lia u singo hakapa sileiou lö, o Saimon, tegoma hapolasa menai lö a nihamana i tamölö. Ba tara pöata te hakopis pouts muma lö romana i tar, ba lö te hatagala rem u toulamölö.”

U Bulungana u Niga tere Iesu Kristo te kolotein e Luk 6:48

Nonei e here nei a katuun te kaho uu iogana me hopöeiena u simen turu lapo me kuiena a luma ieluna u simen. Ba u uolo pan e la nama me mi torohanan söatena a luma. Kaba ema gaseien. Taraha? A luma i kui hanigei.

U Bulungana u Niga tere Iesu Kristo te kolotein e Jon 15:6

A katuun tema ka gono menei lia e ba nariou. Nonei e here nei a hikalanin ruei te langona. A man hikalan teka e gono raier bate lapo raria turu tula bate haats raier.

Aposol 1:17

E Judas a töa has i tarara, nonei e ka has ia tara toukui ti kaia ra.”

Aposol 1:25

Nonei ega palisi e Judas tara toukui turu aposol te pile naien. E Judas e rus ia tara toukui teka me la uana tara makumun nihahuna i tanen.”

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Aposol 2:5

U Jiu u para koru ti kamei u nihamana u kapan koru turu han hoboto ti kaia i Jerusalem tara pöata teka.

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 26:16

Takei, ba lö te tuolum. Alia e butu sile gia i tamölö tego hopö kap mei lö balö te katunun kui uamou i tar. Alö ena hatei ramou u katuun, a ka te tare mula lö i romana na tara manka te haröte goui lia lö i murimuri.

Aposol 4:12

“E möa ta taina ta katuun tega tatei lu pouts merai u katuun tere Sunahan. Tara mamana han hoboto i puta, e Sunahan ema hanige ii ta taina ta katuun tega tatei lu pouts merai ra tere Sunahan. E Iesu puku lasi.”

U pas te koloto menai e Pol turu kristenira i Rom 10:18

Na lia e rangata ragou limiou: a tei Israel ima hengo nai u ranga teka? E möa. Nori i hengo hakapa. Te pei hasena u Buku u Göagono: “U raranga tere Sunahan e la kalakala hoboto uu turu han i puta.”

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

U pas te koloto menai e Pol turu kristenira i Rom 5:5

Na ra ema hahaloso pinopino rei, taraha e Sunahan e hala raira u Namnamei u Göagono me hala raneira u ngilngil te kana i torirara.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Korin 3:5

Ere Apolos mere Pol, u saha u mar katuun? Alam u katunun kui tuun tere Sunahan tu hatuts railimiou tego hamana uaiam limiou i tanen. Alam a man tötöa e katoeiem a man toukui te hala railam e Sunahan.

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

2 Korin 3:6

Nonei te kato hantue ranou lam ba lam te hatei la rem u katuun u rangan kits u tsimus. Ema ka uanei tara man Lo ti koloto tunini. E möa, a ka turu Namnamei tere Sunahan. A man Lo ti koloto tunini e hala nena a tou mate, kaba u Namnamei tere Sunahan te hala nena a nitöatöa.

2 Korin 4:1

Te markato tala uanen teka, te hala raialam e Sunahan a toukui teka tara nitaatagi i tanen, alam ema sökana namien. E möa.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Galesia 4:11

Alia e toku koru meg a man toukui ti kato berai lia limiou ena mots la pinopinona.

Galesia 5:5

Kaba tara nitagala turu Namnamei u Göagono bara te hamana ra tere Sunahan. Bara te hahalosera tego ngö meraien ra u katuun u matskö.

Galesia 5:7

Alimiou u kato haniga mam koru iam. Kaba esi te hapiou raiou limiou tegoma hengo mena milimiou u raranga u mana?

Galesia 6:9

Nonei tegima karous beira tegi kato menaira a markato a niga. Te katon töa naroara a markato a niga, ba ta töa ta pöata bara te lue rou u hamatana u niga tara toukui i tarara.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

Epesis 2:21

E Sunahan e gono hoboto meranei u katuun i tanen tere Kristo, na ra e here rei a luman lotu a göagono te hatakei bera ii ra e Sunahan.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

Epesis 4:16

A luta tara spana e harokoto hatagala hobotena a mamana makum turu tuenrei. Na pöata te kui haniga hobotona a mamana makum, ba u tuenrei hoboto te pan hanigana. Ara u katuun tere Kristo e here hase rei a man makum turu tuenrei. Na ragi hiangilngil bate hiatagtaguhura ba u nihamana i tarara te pan susuluna.

Kolosi 1:25

E Sunahan e katoe ii lia a katunun kui turu katuun i tanen, me hale nei lia a toukui teka tego taguhu merai lia alimiou. Nonei a toukui i tar tego ranga hatei menai lia u bulungana i tanen.

Kolosi 2:7

Ba limiou te tuol hakarapoto miou bate hatagala susule muma a mouna u hakats na markato i tamilimiou. Alimiou go atei sil korueiam a markato i tanen bate hamana hatagala mia i tanen, ti mar hatuts merai limiou. Ba limiou te haniga nitöa uamiou i tanen.

1 Tesalonaika 3:3

Ba u katuun te omi ra riou limiou tema tatei hamatout rari limiou. Alimiou e atei silemiou a ka a omi teka e tatei butuna i tarara, u katuun te hamana ria tere Kristo.

1 Tesalonaika 3:5

Ba tara markato teka, alam uma antunan hahaloso leli, ba lam e tula namula e Timoti egona sakesake te popo hamanasana u nihamana i tamilimiou. Alia u toku sil korui e Satan e namots kato homi ranou limiou ba toukui i tamulam te lala pukuna.

1 Tesalonaika 5:8

Taraha, ara u katununa tara lan. Aragi hamana haniga uu tere Sunahan bara te hiangilngil nitöara. Na ragi hamana noahasi e Sunahan te luba ranoua ra tara niomi.

2 Tesalonaika 2:16

E Sunahan e Tamarara e tatei taatagi ranoura bate tami nitöana i tarara bate taguhu ranoura tegi hamana sil menaira a ka a nigana i murimuri. Nori mere Iesu Kristo a Tsunono i tarara e tatei kato hatamie ier a torimilimiou bate kato hatagala ranou limiou ba limiou te katoemiou a man toukui a man niga hoboto na man raranga man niga has.

1 Timoti 1:12

Alia e haniga koruegu e Iesu Kristo a Tsunono i tarara, te hatagale ioulia, taraha nonei e tari tu kui haniga uu lia ba nonei e lu mena nei lia tara toukui i tanen.

1 Timoti 2:7

Nonei a ka te hala sile mei lia e Sunahan tego aposol uu lia i tanen, bate hatuts raiegu u katuun tema Jiu ri ba nori te tatei hamaner a ka te manana bate atei sileren. Alia ema gamogi. E möa! Alia e ranga hamanagu.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

Taitus 3:7

Na e Sunahan e kato hamatskö has rena u katuun, taraha nonei e taatagi ranen.

Hibru 10:38

U katuun i tar te kato hamatskör e töatöa sila roua te hamana uaren. Kaba te hakopis pouts noua ta töa i taren, balia te raharahe gouen.”

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

Hibru 6:19

A ka te hamana sile rara e hatagala sile nei a torirara tegi ka gono nitöa menai ra e Sunahan. Na ka te hamana sile rara e ka hamatsköna te kana e Sunahan. E here nei a pöata te la hapalis uana a tsunono pan turu pris i hapalana u labalaba pan te kutena bate tasuna tara makum te göagono koruna.

1 Pita 1:3

Aragi solosei e Sunahan e Tamana a Tsunono i tarara e Iesu Kristo. Tara nitaatagi pan koru i tanen nonei e hala rai ra a nitöatöa a tsimus te hatakei meien e Iesu Kristo tara tou mate i tanen. Na tara mamanaka a niga te haka beraien ra i Kolö, a manka tema tatei omiri na tema tatei mulari na tema tatei taiari.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

1 Jon 2:27

Kaba u Namnamei u Göagono ti lu mameiam limiou tere Kristo, nonei e ka gono mera noulimiou. Na limiou goma tokumi te möa uana ta tson hihatuts i tamilimiou. Taraha, u Namnamei tere Sunahan e hatuts ranei limiou a mamanaka. Na manka te hihatuts nanen e manana. E möa tego gamouaien. Na limiou ego ka nitöa mia tere Kristo temar ranga uu Namnamei tere Sunahan.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.