Kolosi 1:18 - U Bulunagana U Niga

¹⁸ U katuun i tanen e hereri u tuenrei i tanen, ba nonei te here nei u baku. Nonei a tantania tara mamanaka, na nonei has te takei mamia tara tou mate, na nonei pouts has te mammamna tara mamanaka hoboto.

Kolosi 1:18 ပူးပေါင်းရင်းမြစ်များ

Matiu 23:8

“Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

U Bulungana u Niga tere Iesu Kristo te kolotein e Jon 1:1

Tara tantania e kamei u Ranga, u Ranga e kagono mei e Sunahan na u Raranga teka nonei e Sunahan.

U Bulungana u Niga tere Iesu Kristo te kolotein e Jon 1:16

Na tara nihitaguhu pan i tanen nonei e haniga ranou ra na e hala has ranei ra a nisasaala pan tema tatei kapa nei.

U Bulungana u Niga tere Iesu Kristo te kolotein e Jon 1:27

E manana a toukui i tanen e kute has nama tara toukui te kuieiegu lia, kaba lia ema gogoso hantue gi tego purese menai lia a kikitsina u sendol i tanen.”

Aposol 26:23

U ranga teka e poeiena e Mesaia a katuun te hahalose rara ega sagohi a kamits ba nonei te takei mam pouts noa tara tou mate ba nonei tena habulungana nena tego lu pouts merai e Sunahan u Jiu na u katuun tema Jiu ri.”

U pas te koloto menai e Pol turu kristenira i Rom 8:29

E Sunahan e atei sil mamir eresi te katuun uariou romana i tanen na nonei e hopö kap mam raien tegi here menaien a Pien Tson i tanen, ba Pien Tson i tanen te here nei a pien a hamua te ka mena u toulanen u parpara te kute ruma i tanen.

1 Korin 11:3

Kaba alia e ngilegu alimiou go atei sileiam a tson e pan nena a tahol i tanen, na e Kristo e pan rena a pal tson, na e Sunahan e pan nena e Kristo.

1 Korin 12:27

Alimiou tala u tuenrei tere Kristo, na man tötöa i tamilimou a man makum turu tuenrei i tanen.

1 Korin 15:25

E Kristo e pepeitokap noahas nou e antunana te tö puta hakapa ranen u pakö hoboto i tanen.

Epesis 1:10

E markato uana teka: pöata te butu nama romana a pöata te hopö kap mamin e Sunahan, be Sunahan te gone nou a mamanaka hobotona i kolö na i puta bate hapane nou e Kristo bate tsunono ranou uen.

Epesis 5:23

Taraha, a tson te pan nena a tahol i tanen te kato has uana e Kristo nonei te pan nena a hun katuun i tanen. Na hun katuun tere Kristo e hereri a tuenrei nen. Na e Kristo nonei a Nihitaguhu tara hun katuun i tanen.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

Kolosi 2:19

Nori e ka halhal baner e Kristo. Nonei u baku te hakuiena u tuenrei, te haharuei nena a hun katuun i tanen. Aragi ka hoboto talasi bate hiatagtaguhu nera tegi hamana hatagala uu ra tara pöata te haka pute ria ra a peisarara tere Kristo. Aragi mar niga susul uu te ngil uana e Sunahan.

1 Jon 1:1

Alam e koloto silemi u pas teka tego habulungana menami limiou u Rarangana tara Nitöatöa. Nonei e ka mam noahas te habuteia e Sunahan u kolö na u puta. Ba nonei e butun katununa ba lam e tara peisanem a mata mulam me hengo hasim, me hasebele hase mia a limamulam i tanen.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 1:8

E Sunahan a Tsunono e poeiena, “Alia a Hahatania na Nikapakapa. Na lia u ka mam noahas, na lia e kagu, na lia ena ka noahas gou i murimuri. Nonei Alia te solon tagala saluhe negu a mamanaka.”

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 21:6

Ba nonei e pei lelena, “E kapa tala! Alia a Hatania na a Kapakapa. Esi te makana alia e haue gouen u ramununa tara nitöatöa te bututuna na tema holeri.

Revelesin 22:13

Alia a Hatania na Kapakapa na tu Mam na tu Hamurimurima. Alia te ka gou tara mamana pöata.”

Revelesin 3:14

Nonei a katuun e hakapi u ranga me poeiena, “Alö go koloto menai u raranga teka tara angelo tara hun katuun tere Kristo te ka ria i Laodisia: “U ranga teka nonei u raranga tara katuun te ngöeri ‘U Mana,’ nonei te haröto hamana nena u raranga tere Sunahan. Na nonei a mouna a mamanaka hoboto te habuti e Sunahan.