U Bulungana u Niga tere Iesu Kristo te kolotein e Jon 7:28 - U Bulunagana U Niga

^28-29 Be Iesu e ranga hapan koru mena te hihatuts uen tara Luman Lotu Pan be poeiena, “Alimiou e poe hamana korue miou alimiou e atei sile moulia na ime tu la malia? Alia uma la peisa memei u ngil i tar, kaba esi te haleie moulia te manana, kaba limiou ma atei sile mien. Alia e atei sil megien. Taraha, alia u lama i tanen na nonei e tula namoulia ba lia e laguma.”

U Bulungana u Niga tere Iesu Kristo te kolotein e Jon 7:28 ပူးပေါင်းရင်းမြစ်များ

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 2:23

Ba nonei ena kana tara töa taun te ngöeri i Nasaret. A ka teka e butu sil hasi tego hatara hamana menaien u raranga ti habulunganein u propet. Nori i mar ranga uu teka, “Nonei e ngöe roi a toun Nasaret.”

Matiu 26:55

Be Iesu e poeiena turu katuun u parpara koru, “Alimiou e la memuma a man lahoton hiatatung na man baru tegomi pile kap here memilia a katuun a hihiatung na kopkop. Ga taraha, ba limiou tema pile kap nami lia turu mamana u lan ti ron hihatuts ialia iahana a Luman Lotu Pan.

U Bulungana u Niga tere Iesu Kristo te kolotein e Luk 10:22

Be Iesu e rangana turu katuun, “E Tamar e hale ii lia a mamanaka hoboto. Na e möa ta töa ta katuun tega atei sil a Pien Tson. E Tamar pepeisa lasi. Na e möa has ta katuun tega atei sil e Tamar. A Pien Tson pepeisa te atei silena e Tamanen, na esi a Pien Tson te hopö kap naien te tatei hatei butu narouen.”

U Bulungana u Niga tere Iesu Kristo te kolotein e Luk 2:11

A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

U Bulungana u Niga tere Iesu Kristo te kolotein e Luk 2:39

Pöata ti kato hakapeia ere Josep mere Maria a mamanaka te rangein a Lo tara Tsunono, ba nori e la pouts mer e Iesu tara taun i taren i Nasaret.

U Bulungana u Niga tere Iesu Kristo te kolotein e Luk 2:4

E Josep e laba has nela i Nasaret, a taun i Galili, ba nonei e kete ualala tara taun tere Devit a solonen i Betlehem tara provins i Judia. Taraha? E Josep a hatutubunei tere Devit.

U Bulungana u Niga tere Iesu Kristo te kolotein e Luk 2:51

Be Iesu e la gono pouts mera nen i Nasaret me kukute hanigeiena u raranga i taren. E tsinanen e haka nitöa neia a manka teka i torinen.

U Bulungana u Niga tere Iesu Kristo te kolotein e Jon 1:46

Be Nataniel e poeiena, “E möa ta ka ta niga tega tatei butuia i Nasaret.” Be Pilip e poeiena, “Lama balö temi tara peisam.”

U Bulungana u Niga tere Iesu Kristo te kolotein e Jon 10:36

Alimiou e antunan ranga hasimiou bate peimiou, a katuun te kato hagöagoni e Tamar me tula mena meien i puta e ranga homi nena e Sunahan te pei mena neien, ‘Alia a Pien tere Sunahan.’ Ge hana ba limiou te mar ranga uamiou teka?

U Bulungana u Niga tere Iesu Kristo te kolotein e Jon 12:49

Alia ema ranga nagi u raranga peisa i tar. E möa. E Tamar te hale moulia te hatei nelia a ka tego rangein lia.

U Bulungana u Niga tere Iesu Kristo te kolotein e Jon 14:10

Alimiou ema hamanami te ka uagu lia tere Tamar ne Tamar e ka has na i tar? U ranga te hatei ragi lia limiou ema la peisa nameia i tar. Kaba e Tamar te ka gono menoulia te katoena a man toukui peisa i tanen.

U Bulungana u Niga tere Iesu Kristo te kolotein e Jon 14:31

Kaba alia e katoegu a mamanaka te ranga memei lia e Tamar tego kati lia, ba u katuun hoboto te atei siler alia e ngil koruegu e Tamar. “Takeiam, bara te lara.”

U Bulungana u Niga tere Iesu Kristo te kolotein e Jon 16:3

Nori e katoe riou a manka man omi teka, taraha nori ema atei sile roi lia ne Tamar has.

U Bulungana u Niga tere Iesu Kristo te kolotein e Jon 17:25

“O Tamagulia, alö e matskö korum, u katunura tara markatona i puta ema atei sileri lö. Kaba alia e atei sile goulö. Na nori u katuun i tar teka e atei siler tu hala mena mei lö alia.

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 3:33

Kaba a katuun te hengoe nen e sabiena te mana uana e Sunahan.

U Bulungana u Niga tere Iesu Kristo te kolotein e Jon 5:32

Kaba e Tamar e hatei has nanou lia tara pöata teka, na lia e atei silegu u raranga i tanen e manana.

U Bulungana u Niga tere Iesu Kristo te kolotein e Jon 5:43

Alia u la mema a nitsunono tere Tamar, na limiou ema lu mena milia i tamilimiou. Kaba te la menama romana ta töa ta katuun a nitsunono peisa i tanen, alimiou e lu mena moien i tamilimiou, noahasina te möa nen ta nitsunono tere Sunahan.

U Bulungana u Niga tere Iesu Kristo te kolotein e Jon 6:42

Ba nori e poeier, “A katuun teka nonei e Iesu, a pien tson tere Josep. Ara e atei silera e tamanen ne tsinanen. Ime te markato uanen ba nonei te poeiena, ‘Alia u lama i Kolö?’”

U Bulungana u Niga tere Iesu Kristo te kolotein e Jon 7:14

A kannou e solon la hagusgusuna noa be Iesu e la uana tara Luman Lotu Pan ba nonei ena tanian hatuts rena u katuun.

U Bulungana u Niga tere Iesu Kristo te kolotein e Jon 8:14

Be Iesu e poeiena i taren, “E manana, alia e hatei negu a peisar. Kaba u ranga i tar e mana noa hasina. Taraha, alia e atei silegu ime tu la malia na ime te la has uagou lia. Kaba limiou ema atei silemi ime tu la malia na ime te la has uagou lia.

U Bulungana u Niga tere Iesu Kristo te kolotein e Jon 8:16

Te ona hase goua lia a tana katuun, ba u raranga i tar te manana taraha, alia ema kato pepeisegi a ka teka. E möa. Kaba e Tamar te tula na moulia, nonei e kui gono has menou lia.

U Bulungana u Niga tere Iesu Kristo te kolotein e Jon 8:19

Ba nori e poeier i tanen, “Ime te kana e tamamölö?” Be Iesu e poeiena, “Alimiou ema atei sile milia na limiou ema atei sil hasemi e Tamar. Tego atei sil memi limiou alia, alimiou e antunan atei sil hasemiou e Tamar.”

U Bulungana u Niga tere Iesu Kristo te kolotein e Jon 8:26

Alia e kamegu a man raranga a man parpara i tamilimiou, na lia e tatei haröto has ragi limiou a mamanaka a omi te katoe milimiou. Kaba a mamanaka te hatei negu lia turu katunura i puta nonei a manka tu hengoe malia tara katuun te halei moulia, na nonei e ranga hamanana.”

U Bulungana u Niga tere Iesu Kristo te kolotein e Jon 8:42

Be Iesu e poeiena i taren, “Sanena tego hatamana uamia limiou tere Sunahan, alimiou sane ngile moulia, taraha alia u la hamatsköma tere Sunahan. Alia uma la memei u ngil peisa i tar. E möa. Nonei te tula na moulia.

U Bulungana u Niga tere Iesu Kristo te kolotein e Jon 9:29

Alam e atei silem e Sunahan e ranga gono mei e Mosis. Kaba a katuun teka, alam ema atei silemi ime te la men.”

Aposol 17:23

Alia u hula la bate tareiegu a man makum a man Göagono te lotu mia limiou. Alia u tara hasi a töa makumun haats te kana u ranga te poeiena: ‘Tara töa got tema atei sileri u katuun.’ Nonei a Got teka te hatsunono uami limiou na limiou ema atei sile mien, nonei a Got te habulungana nagu lia i tamilimiou.

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 3:4

E möa koru! E Sunahan e ron ranga hamana nitöa lasina, noahasina te roron gamo hoboto uer u katuun. Taraha, u Buku u Göagono e mar ranga mena nei e Sunahan teka: “U raranga i tamölö e haröto nanou alö e matsköm. Te kout narouen lö ba nori te sabie riou u raranga i tamölö e matsköna.”

2 Korin 1:18

Alia e ranga mera gou limiou i matana e Sunahan, a pöata te hatangana gia lia, a torir ma tatei poenei, E möa

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

Taitus 1:2

Ba nori te kameriou u hakhakatsina tegi hahaloso menaien a nitöatöa te ka nitöana. Na e Sunahan, tema tatei gamo nei e ranga hamana naia a nitöatöa teka i mamuna te butuia u puta.

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

1 Jon 5:10

A katuun te hamanana tara Pien Tson tere Sunahan e atei haniga silena te mana uana u raranga teka. Kaba a katuun te hahamana nena e Sunahan nonei a katuun te poeiena, “E Sunahan a katuun a gamogamo.” Taraha, nonei e hahamana nena a ka te ranga benei e Sunahan a Pien Tson i tanen.