U Bulungana u Niga tere Iesu Kristo te kolotein e Jon 6:27 - U Bulunagana U Niga

²⁷ Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

U Bulungana u Niga tere Iesu Kristo te kolotein e Jon 6:27 ပူးပေါင်းရင်းမြစ်များ

Matiu 17:5

Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”

Matiu 25:46

Ti markato uaien teka ba u katuun teka tena lue riou u nihahuna te ka nitöana, ba u katuun u matskö tena lue riou a nitöatöa te ka nitöana.”

Matiu 3:17

Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”

Matiu 6:19

“Alimiou goma kui hatagala silemi a manka a man nigana i puta. U numa e kato homieriou a manka teka, na u kopkop e hela has riou bate kopur.

Matiu 8:20

Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”

U Bulungana u Niga tere Iesu Kristo te kolotein e Mak 1:11

Ba u töa u raranga e butu nama i Kolö me poeiena, “Alö a Pien Tson koru i tar, Alia e ngil korue goulö.”

U Bulungana u Niga tere Iesu Kristo te kolotein e Mak 9:7

Bu töa u köasi e butuna me kopo kap ranen, ba u ranga e butu nama i gusuna u köasi me poeiena, “Nonei a Pien Tson a tsomi koru i tar teka. Hahengo mia i tanen.”

U Bulungana u Niga tere Iesu Kristo te kolotein e Luk 9:35

Bu töa u raranga e butu nama turu köasi me poeiena, “Nonei a Pien Tson i tar teka, tu hopö kapiin lia. Alimiou go hengo mia i tanen!”

U Bulungana u Niga tere Iesu Kristo te kolotein e Jon 10:28

Alia e hala ragouen a nitöatöa te ka nitöana ba nori tema tatei tia roi romana. E möa ta töa ta katuun tega antunan gul ba rai lia u katuun i tar.

U Bulungana u Niga tere Iesu Kristo te kolotein e Jon 11:42

Na lia e atei silegu alö e roron hengoe moulia, kaba lia e mar ranga uagu teka i matar u katuun te ka ria teka, ba nori te tatei hamaner tu hala mena mei lö alia.”

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 15:24

Sanena alia tuma katoei a man mirakol teka, tema katoei ta taina ta katuun i gusu ren, ba nori te tatei poeier, ‘Alam ema kato homi mi.’ Kaba nori i tara hakapa talei a man toukui i tar, ba nori e omie riou lia ne Tamar has.

U Bulungana u Niga tere Iesu Kristo te kolotein e Jon 17:2

Alö u halei lia a nitsunono tego tara kap mei lia u katuun hoboto, ba lia te antunan hala ragi u katuun tu hala ramei lö alia a nitöatöa te ka nitöana.

U Bulungana u Niga tere Iesu Kristo te kolotein e Jon 3:15

Tara markato teka ba esi te hamana na i tar ena tatei ka menou a nitöatöa te ka nitöana.”

U Bulungana u Niga tere Iesu Kristo te kolotein e Jon 3:33

Kaba a katuun te hengoe nen e sabiena te mana uana e Sunahan.

U Bulungana u Niga tere Iesu Kristo te kolotein e Jon 6:40

Nonei koru a ka te ngilena e Tamar, u katuun hoboto te tare riou lia na te hamana uar i tar, nori egina lueiou a nitöatöa te ka nitöana. Na lia e hatakei pouts ragoen romana tara tou mate tara kapakapana pöata.”

U Bulungana u Niga tere Iesu Kristo te kolotein e Jon 6:47

“U mana koru alia e hatei ragou limiou, a katuun te hamanana e ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 6:51

Alia nonei a kannou te hala nena a nitöatöa te lama i Kolö. E si te nouna tara kannou teka e ka me nou a nitöatöa te ka nitöa nou. Na kannou te hala negu lia tena ha töatöa ranou u katunura i puta, nonei u tuenrei i tar.”

U Bulungana u Niga tere Iesu Kristo te kolotein e Jon 6:53

Be Iesu e ranga palis ranen me poeiena, “U mana koru, tema nou moilimiou turu tuenrei i tar na tema ua moilimiou turu rahatsing i tar alimiou ema antunan töatöa moi. Na lia e hatei hamana koru ragou limiou, e kato has uana iesana tara katuun te hahamana na i tar, alimiou go lu mena milia i torimilimiou, Alia tu butun Katunuma. Te möa nen, ba limiou tema antunan ka memoi a nitöatöa te ka nitöana.

U Bulungana u Niga tere Iesu Kristo te kolotein e Jon 6:54

A katuun te nouena u tuenrei na te ue iena u rahatsing i tar e ka menou a nitöatöa te ka nitöana. Na lia e hatakei poutse goen romana tara tou mate tara kapakapana pöata.

U Bulungana u Niga tere Iesu Kristo te kolotein e Jon 6:58

Nonei a kannou teka te ranga nagula lia te lama i Kolö. Ema kato uanei tara kannou ti nouia u tubumilimiou, kaba nori i mate noahas. E möa. A katuun te nouena a kannou teka e töatöa nitöa nou.”

U Bulungana u Niga tere Iesu Kristo te kolotein e Jon 6:62

Ga te tare moua limiou, Alia tu butun Katunuma e la pouts uagou i Kolö tu lama lia?

U Bulungana u Niga tere Iesu Kristo te kolotein e Jon 6:68

Be Saimon Pita e ranga palise nen me poeiena, “O Tsunono, alam e la uamou teresi? Alö peisa te ka mem u rangana tara nitöatöa te ka nitöana.

U Bulungana u Niga tere Iesu Kristo te kolotein e Jon 8:18

Na lia e hatei negu a peisar ne Tamar e hatei has nanou lia. Nonei te tula na moulia.”

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 2:22

“Alimiou u katunura i Israel, hengoeiam u raranga i tar. E Iesu na i Nasaret nonei a katuun te hopö kapiin e Sunahan. Na e Sunahan e haleien a nitagala ba nonei te katoeiena a man mirakol pan i matamilimiou, na manka teka e harötein te mana uana e Iesu. Alimiou e atei sile miou a ka teka, taraha nonei e butuia tara han teka.

U pas te koloto menai e Pol turu kristenira i Rom 4:11

E Abraham e hapö hamurimurin a hatöatongo tere Sunahan, bate hatei tala nena e Sunahan e ngöeien a katuun a matskö te hamana uaien, ba nonei e töan hapö nena a hatöatongo tere Sunahan. E Sunahan e kato sile ii a ka teka tegi ngö menai e Abraham e tubur u katuun hoboto te hamaner e Sunahan be Sunahan te ngö raneien u katuun u matskö i matanen, noahasina tema ka merien a hatöatongo tere Sunahan.

U pas te koloto menai e Pol turu kristenira i Rom 6:23

Tara markato a omi a hihol i tanen a tou mate. Kaba e Sunahan e hala sila nena a nitöatöa te ka nitöana tere Iesu Kristo a Tsunono i tarara.

1 Korin 6:13

Na palair u katuun e poeier, “A kannou e ka silena u tori, na u tori e ka silena a kannou.” U mana, kaba e Sunahan e kato hataie nou romana a kannou na u tori has. A tuenriena katuun ema ka sile nei egi tsikolein. E möa. E ka silena tego solosei menaien a Tsunono, na Tsunono e ka silena tega taguhu menaien a peisarara.

1 Korin 9:2

Tema aposol gia lia tara palair u katuun, e nigana alimiou e atei silemiou alia a aposol. Alimiou a nihiharöto te aposol uagulia tara Tsunono, tu taguhu merai lia alimiou bate hamana uamiou tara Tsunono.

2 Korin 4:18

Taraha, alam ema taremi a ka te tareier, kaba lam e tarem a ka tema tareri. A ka te tareier, a kana i romana puku, kaba a ka tema tareri, e ka nitöa nou romana.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Pilipai 2:13

E Sunahan noahas te kuina i torimilimiou bate taguhu ranou limiou tego kukute mena milimiou u ngilngil i tanen bate katoemiou a manka te hanige nen.

Kolosi 1:29

Nonei te sioung sila gialia bate kui hatagala koru megu a nitagala i tanen te kana i tar bate las hatagala korue noulia.

Kolosi 2:22

A manka teka ema ka nitöa noi. E möa. Nori e ba hakapa rariou. Na man lo na man hihatuts teka, u katuun tuun ti hakeien.

Kolosi 3:2

Hakats kap nitöa naiam a mankana i Kolö. Ma hakats silemi a mankana i puta.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Hibru 12:16

Alimiou go tara kap hanigaiam, batema tsikolo mi. Na limiou goma sigalemi e Sunahan te markato uu e Iso. Nonei a pien tson a hamua te ka mei a nikapan, kaba nonei e halan a nikapan i tanen tere toulanen a tetenei me hol tune neien a tsi kannou tuun.

Hibru 4:11

Te markato uanen teka bara te torohana hatagala silera tegi la uu ra tara makumun husa tere Sunahan. Ta töa i tarara ena mots kukutena ti markato uen i manasa batena rusuna bate taiana.

Jemis 1:11

A pitala e takei hahiski koruna nama romana bate skieiena u garas. Ba hua i tanen te rusuna batema tara haniga lel nei. Na katunun moni e kato has uana iesana. Nonei e mate has noa romana i gusuna pöata te ka noa menen a toukui pan, a toukuin moni i tanen.

1 Pita 1:24

U Buku u Göagono e mar ranga uana teka, “U katuun hoboto e hereri u garas, na nikapan i taren e here nei a tsi palaua turu garas. U garas e tatei langona, ba hua te rusuna.

2 Pita 1:17

Alam u ka has tara pöata te haleien e Tamanen e Sunahan a nikapan na solo pan. Alam u hengoia turu raranga te butuma tere Sunahan te pan saluhe koruna bate poeiena, “Nonei a Pien Tson koru i tar teka. Na lia e ngil korue gen, na e sasaala koru megen.”