U Bulungana u Niga tere Iesu Kristo te kolotein e Jon 21:15 - U Bulunagana U Niga

¹⁵ Pöata tu nou hakapaia lam, be Iesu e poeiena tere Saimon Pita, “O Saimon, a pien tere Jon, alö e ngil hase moulia? U ngil i tamölö e pan saluhe ba nena u ngil turu katuun teka?” Be Pita e poeiena i tanen, “Aa, o Tsunono. Alö e atei silem alia e ngil korue goulö.” Be Iesu e poeiena i tanen, “Ha nou ri u tunan sipsip i tar.”

U Bulungana u Niga tere Iesu Kristo te kolotein e Jon 21:15 ပူးပေါင်းရင်းမြစ်များ

Matiu 10:37

“A katuun te ngil koruena e tamanen na e tsinanen, batema ngile nei lia, nonei ema katuun hamana uanei i tar. Na katuun te ngil koruena a pien tson i tanen na pien tahol i tanen batema ngile nei lia, nonei ema katuun hamana uanei i tar.

Matiu 16:17

Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 26:33

Be Pita e rangana me poeiena i tanen, “U katuun hoboto teka e laba nariou lö romana, kaba lia ema antunan laba nagilö romana!”

Matiu 26:35

Be Pita e poeiena i tanen, “Noahasina te mate gono megoa lia alö, alia ema antunan holis kap koru nagilö romana.” Ba u katunun tsitsilo hoboto e mar ranga has uer iesana.

U Bulungana u Niga tere Iesu Kristo te kolotein e Mak 14:29

Be Pita e poeiena i tanen, “U katuun hoboto teka e laba nariou lö romana, kaba lia ema antunan laba koru nagou ii lö.”

U Bulungana u Niga tere Iesu Kristo te kolotein e Luk 12:32

Be Iesu e poeiena, “Alimiou a matsi katuun i tar, alimiou goma matout mi. Taraha? E Tamamilimiou e sasaala mena tego hala meraien limiou a Nipepeito i tanen.

U Bulungana u Niga tere Iesu Kristo te kolotein e Luk 22:32

Kaba lia u singo hakapa sileiou lö, o Saimon, tegoma hapolasa menai lö a nihamana i tamölö. Ba tara pöata te hakopis pouts muma lö romana i tar, ba lö te hatagala rem u toulamölö.”

U Bulungana u Niga tere Iesu Kristo te kolotein e Jon 1:42

Ba nonei na piou nena e Saimon tere Iesu. Be Iesu e tare nen me poeiena, “Alö e Saimon, a pien tson tere Jon. Alö e ngöe roi e Sipas” (te poe hasena, “e Pita,” na te poe hasena, “a Hatu”).

U Bulungana u Niga tere Iesu Kristo te kolotein e Jon 13:37

Be Pita e poeiena, “O Tsunono, e hana ba lia tema antunan kukute nagi lö tara pöata teka? Alia e antunan mate beie goulö.”

U Bulungana u Niga tere Iesu Kristo te kolotein e Jon 16:27

Taraha, e Tamar e ngil has ranou limiou, te ngil has menami limiou alia na limiou e hamana hase miou alia u lama tere Sunahan.

U Bulungana u Niga tere Iesu Kristo te kolotein e Jon 21:12

Be Iesu e poeiena i tamulam, “La muma mi nouiam.” Kaba alam uma rangatanai nonei esi, taraha alam u atei sil nonei a Tsunono.

U Bulungana u Niga tere Iesu Kristo te kolotein e Jon 21:7

Ba lia e poeiegu tere Saimon Pita, “Nonei a Tsunono!” Ba pöata te hengoeia e Pita u ranga teka, ba nonei e hasei boroborena u hasobö i tanen me kurapa uana turu ramun me ape sunguna.

U Bulungana u Niga tere Iesu Kristo te kolotein e Jon 8:42

Be Iesu e poeiena i taren, “Sanena tego hatamana uamia limiou tere Sunahan, alimiou sane ngile moulia, taraha alia u la hamatsköma tere Sunahan. Alia uma la memei u ngil peisa i tar. E möa. Nonei te tula na moulia.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 20:29

Kaba alia e ateigu, te laba ragoua lia limiou ba u katunun hihatuts u omi te la rima romana i gusumilimiou batemi kato homi rariou limiou, bate here roi u muki u hie te kato homi raier u sipsip.

U pas te koloto menai e Pol turu kristenira i Rom 14:1

Alimiou go las ramuma u katuun a nihamana i taren tema pan bala nei. Kaba möa tu hia raharaha gono meraiam te ka merien u nihamana te halhalina.

U pas te koloto menai e Pol turu kristenira i Rom 15:1

Ara te atei haniga silera u hihatuts tere Sunahan ega taguhir a pala tema atei hanigari. Ara gima hakats sile ii tegi sasaala peisa uu ra. E möa.

1 Korin 8:11

Ba tara niatei i tamölö ba u toulamölö te mate silir e Kristo, u nihamana i taren tema tagala lel talanei e kato homi taleier.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Epesis 4:14

Ba i murimuri bara tema here lele roi a galapien. Taraha, a galapien e hamana ria tara man hihatuts turu katuun u gamogamo hoboto te butu rima, u katuun te gamo raren ba nori te katoeier a man markato a man omi. Esi te hengo ranen bate hula hakatsina e here nei a ka te hula hapouseina i tasi, tsi a ka te söatena a lomolomo bate hula tapana. Kaba ara gima markato uai tara katuun teka.

Epesis 6:24

E Sunahan e tatei taatagi rena u katuun hoboto, ba u ngilngil i taren tere Iesu Kristo a Tsunono i tarara tema antunan kapa nei. Nonei talasi. Alia e Pol

Hibru 13:20

E Sunahan, te hala ranei ra a masalohana, e tatei hala ranei limiou a mamanaka a niga, antunana tego kato mena milimiou u ngil i tanen. Nonei te hatakei poutsi a Tsunono i tarara e Iesu, nonei a katuun te taratara kap rena u katuun i tanen bate here nei a katuun te taratara kap rena u sipsip i tanen. Nonei e hatakei poutseien tara tou mate me haröto nena u rahatsing i tanen te kato hatagalena u rangan hiahanhaniga te kits gono meien e Sunahan na u katuun. Nonei u raranga te ka nitöana. Nonei e tatei taguhu ranou limiou ba limiou te katoemiou a manka te niga balana i matanen, te hamana uamia limiou tere Iesu Kristo. Aragi solosei e Kristo tara mamana pöata i murimuri. U mana.

Hibru 4:13

E möa ta töa ta ka tegi antunan hamous banai e Sunahan, taraha nonei e tarena a mamanaka na mamanaka hoboto e kana ielesala. E Sunahan puku noahas te antunan oneiena a mamana markato i tarara.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.

1 Pita 2:25

Alimiou i here rami u sipsip ti hatutui a maroro i taren. Kaba limiou i la pouts hakapa uamuma tere Sunahan te taratara kap nena u namnamei i tamilimiou.

1 Jon 4:19

Ara e ngilera e Sunahan, taraha nonei te ngil mam raioura.

1 Jon 5:1

U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.

Revelesin 2:23

Alia e atung hamate has ragou u katuun te kukutier a tahol teka. Ba u katuun hoboto te lotu ria tara solona e Kristo te atei sile riou alia e tara bubutegu a bakuna a katuun na i torinen has. Ba lia te hala ragi limiou romana a man tötöa u hamatana e popona tara manka tu katoeiam limiou.