U Bulungana u Niga tere Iesu Kristo te kolotein e Jon 20:23 - U Bulunagana U Niga

²³ Te luba memoi limiou a man markato a man omi turu katuun, ba markato a omi teka te taiana. Tema luba ramoien limiou ba man markato a man omi teka tema antunan taia has noi.”

U Bulungana u Niga tere Iesu Kristo te kolotein e Jon 20:23 ပူးပေါင်းရင်းမြစ်များ

Matiu 16:19

Alia e hale goi lö a kii na tara Nipepeito tere Sunahan. A saha ka te kitse moalö i puta, e kits hase roa i Kolö. Na saha ka te haniga namoa lö i puta, e haniga has naroa i Kolö.”

Matiu 18:18

Be Iesu e poeiena, “Na lia e hatei hamana koru ragou limiou, a saha ka te kitse mialimiou i puta, e Sunahan e kits hasenouen i Kolö. Na saha ka te purese mialimiou i puta, e Sunahan e hapurese hase nouen i Kolö.

U Bulungana u Niga tere Iesu Kristo te kolotein e Jon 20:22

Nonei e mar ranga hakapa uu teka ba nonei e pihu uana i tamulam me poeiena, “Lueiam u Namnamei u Göagono.

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

1 Korin 5:4

Alimiou go hagum hobotoiam tara solona e Iesu a Tsunono i tarara, ba namnameir tena ka gono mera noulimiou na nitagala has tere Iesu a Tsunono i tarara.

Epesis 2:20

Alimiou e heremi a luma, na u aposol na u propet e here rari u punluma. Na e Iesu Kristo e here nei a tuulgus tara luma.

1 Timoti 1:20

A maroro tala ti kukuti ere Himenias mere Aleksenda balia ena haka ragien i limana e Satan, ba nori te hatuts rari tegima ranga hohomi menaien e Sunahan.