U Bulungana u Niga tere Iesu Kristo te kolotein e Jon 20:20 - U Bulunagana U Niga

²⁰ Nonei e ranga hakapa ba nonei e haröto ranei lam a man limanen na liklikinen. Ba lam u katunun tsitsilo e sasaala koru mem tu tara menai lam a Tsunono.

U Bulungana u Niga tere Iesu Kristo te kolotein e Jon 20:20 ပူးပေါင်းရင်းမြစ်များ

Matiu 28:8

Ba nori e la boroboro ba tuun ner a kiou, nori i matout kaba i ka noahas mei a nisasaala pan, me piata tunur tina hatei meraien u katunun tsitsilo i tanen.

U Bulungana u Niga tere Iesu Kristo te kolotein e Jon 16:20

U mana koru alia e ranga hamana mera goulimiou, alimiou e tabe mou bate har mou, kaba u katuun te ka mer u hakatsina i puta e sasaala riou. Alimiou e sagohe mou a kamits, kaba kamits i tamilimiou ena habirits ua nou tara nisasaala.

U Bulungana u Niga tere Iesu Kristo te kolotein e Jon 16:22

Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou.

U Bulungana u Niga tere Iesu Kristo te kolotein e Jon 19:34

Kaba a töa a soldia e sake ii a liklikina e Iesu u saka. Ba u rahatsing na u ramun e lakasa soköna.

U Bulungana u Niga tere Iesu Kristo te kolotein e Jon 20:25

Ba palair u katunun tsitsilo e hateie ren me poeier, “Alam e tara hakape mula a Tsunono.” Be Tomas e poeiena i taren, “Tema tare goi lia u gahilina tara nila i limanen, na tema tupa nagoi lia a kabeler tara man makum turu nila, na tema tupa nagoi lia a limar i liklikinen, alia ema antunan hamana gi.”

U Bulungana u Niga tere Iesu Kristo te kolotein e Jon 20:27

Ba nonei e poeiena tere Tomas, “Hakeia a kabelemölö teka, balö te taram tara man limar, hasoa nema a limamölö bate tupa namen iogana i liklikir. Möa tu hahamana, alö go hamana.”

1 Jon 1:1

Alam e koloto silemi u pas teka tego habulungana menami limiou u Rarangana tara Nitöatöa. Nonei e ka mam noahas te habuteia e Sunahan u kolö na u puta. Ba nonei e butun katununa ba lam e tara peisanem a mata mulam me hengo hasim, me hasebele hase mia a limamulam i tanen.