U Bulungana u Niga tere Iesu Kristo te kolotein e Jon 20:19 - U Bulunagana U Niga

¹⁹ Nonei noahas turu lan, alam u katunun tsitsilo u matoutir u Jiu, me hapili raiem u tamana tara luma tu kaia lam. A pitala e tsiruku hakapa nonei turu lan tutuun turu wik teka, be Iesu e butuna me tuolna i gusu mulam me poeiena i tamulam, “A masalohana e tatei ka gono mera noulimiou.”

U Bulungana u Niga tere Iesu Kristo te kolotein e Jon 20:19 ပူးပေါင်းရင်းမြစ်များ

Matiu 10:13

Na te lu raroua limiou u katuun teka, a masalohana i tamilimiou e tatei kana i taren. Kaba tema antunan lu rarouien limiou, a masalohana e tatei la pouts uana i tamilimiou.

Matiu 18:20

Na tegi gonoia a huol tsi a topisa a katuun tara solor, alia e ka gia i gusuren.”

U Bulungana u Niga tere Iesu Kristo te kolotein e Mak 16:14

Ba i murinen be Iesu e butuna tara maloto na töa a katunun tsitsilo tara pöata ti nou ien. Ba nonei e ranga hatagala mera nen, taraha nori ima hamana korui, nori i hahamaneir u katuun ti tareien i murina te takei poutsien.

U Bulungana u Niga tere Iesu Kristo te kolotein e Jon 14:27

“Alia e laba meragi limiou a masalohana, a masalohana i tar alia e hala ragien limiou. Alia ema mar hala uagi temar hala uar u katunura i puta. Kaba a masalohana i tar e niga bala nena a masalohana i taren. A torimilimiou egoma toku ii na egoma matout has ii.

U Bulungana u Niga tere Iesu Kristo te kolotein e Jon 16:22

Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou.

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

U Bulungana u Niga tere Iesu Kristo te kolotein e Jon 20:21

Be Iesu e ranga lelna i tamulam me poeiena, “A masalohana e tatei ka gono mera noulimiou. E Tamar e tula mena mei lia i puta na lia te tula has ragou limiou.”

U Bulungana u Niga tere Iesu Kristo te kolotein e Jon 20:26

U töa u wik e la hakapa, ba lam u katunun tsitsilo i tanen e ka pon mia i luma, na tara pöata teka e Tomas e ka gono meraiou lam. A man tamana i pili, kaba e Iesu e tasuma memi tuol pon na i gusu mulam me poeiena, “A masalohana e tatei ka gono mera noulimiou.”

U Bulungana u Niga tere Iesu Kristo te kolotein e Jon 21:1

I murina a manka teka e Iesu e butu lelia turu katunun tsitsilo i tanen tara Ramun i Galili te ngö haseri a Ramun i Taibirias. Nonei e mar butu u teka.

U Bulungana u Niga tere Iesu Kristo te kolotein e Jon 21:14

Nonei a hatopisana a pöata teka te butuia e Iesu turu katunun tsitsilo i tanen i murina te takei pouts ien tara tou mate.

U Bulungana u Niga tere Iesu Kristo te kolotein e Jon 7:13

U katuun ima ranga halakasa nai a solona e Iesu turu katuun hoboto taraha, nori i matoutir a pal kapan turu Jiu.

Aposol 1:3

I murina te mate hakapaien, ba nonei e roron butuna turu aposol i tanen tara man töa man pöata. Nonei e kato sila naia a mamanaka teka tego haröto meraien u aposol, nonei e töatöa hamanana. Nori i tareien tara man tötöa man pöata iahana u tohats u maloto u lan, ba nonei e hatei raneien a Nipepeito tere Sunahan.

U pas te koloto menai e Pol turu kristenira i Rom 15:33

E Sunahan te hala ranei ra a masalohana e tatei ka gono mera noulimiou hoboto. U mana.

1 Korin 15:5

Ba nonei e butuna tere Pita, bena butu hasna turu aposol.

Epesis 2:14

E Kristo te gono pouts raioura me kato poutsera a töa hun katuun, ba nonei e hela banena a ololo te lukata raioura. Nonei peisa te nolo pouts beraiou ra. Ara e hiataratara pouts talara, taraha e Sunahan e kato here pouts raira a töa katuun.

Epesis 6:23

E Sunahan e Tamarara na e Iesu Kristo a Tsunono e tatei hala nariou a masalohana na u ngilngil hamana i tamilimiou hoboto te hamana mia tere Iesu, bate taguhu has rariou limiou tego hamana haniga uaiam limiou.

Pilipai 1:2

E Sunahan e Tamarara na e Iesu Kristo a Tsunono e tatei taatagi rariou limiou na e tatei hala has rari limiou a masalohana.

2 Tesalonaika 3:16

A Tsunono noahas, nonei a mouna a masalohana, e tatei hamasalohana ranou limiou tara mamana pöata na tara mamana markato. A Tsunono e tatei ka gono mera noulimiou hoboto.

Hibru 7:2

Be Abraham e lu kakatena a manka hoboto te lue men tara hiatatung tara maloto a makum me hala nena a töa makum tere Melkisedek. A solo, e Melkisedek e poeiena, A king tara markato a niga na matskö. Na e pei hasena, A king tara masalohana, taraha a solo e Salem e poeiena, masalohana.

3 Jon 1:14

Taraha, alia ena ngilin tara boroboro na goulö, ba ra te hiararanga hobotora.

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.